- TGA rrakomandaw li l-ittestjar fid-dar se jkun disponibbli mill-1 ta’ Novembru
- F’Victoria rreġistrat l-ogħa numru ta’ każi tal-Covid-19 mindu bdiet il-pandemija
- Jinstabu żewġ gruppi ġodda ta’ każi tal-virus fi Queensland, ftit jiem qabel il-finali tan-NRL
Victoria
F’Victoria kienu rreġistrati 867 każ lokali ġdid tal-Covid-19 u erba’ mwiet oħra, biex b’hekk in-numru ta’ każi attivi huwa ta’ 9,261.
Fl-istat qed ikun imniedi app bi prova li jista’ jkun użat biex ikunu ċċekkjati dawk fil-Victoria li jerġgħu lura minn stat ieħor u minn barra l-Awstralja.
Queensland
Żewġ gruppi ġodda ta’ każi tal-COVID-19 instabu fi Brisbane, ftit jiem qabel il-finali tan-NRL, inkluż wieħed marbut ma’ sewwieq ta’ trakk li kien infettiv fil-komunità għal tmint ijiem.
Fl-istat kienu rreġistrati erba’ każi ġodda fil-komunità. L-ilbies tal-maskri reġa’ ddaħħal ta’ bilfors għar-residenti fl-inħawi tal-gvern lokali ta’ Brisbane u Moreton Bay.
Ikklikkja hawnhekk biex tibbukkja t-tilqima tiegħek
New South Wales
Fi NSW kienu rreġistrati 863 każ lokali ġdid tal-COVID-19 u seba’ mwiet, bil-maġġoranza tal-każi jkunu mid-Distrett tas-Saħħa Lokali tal-Lbiċ ta’ Sydney u l-Punent ta’ Sydney.
L-awtoritajiet qegħdin jikkunsidraw li jpoġġu lir-residenti f’Port Macquarie u f’Muswellbrook f’lockdown, u jestendu l-lockdown f’Kempsey, b’riżultat tan-numru jikber ta’ każi f’dawk l-inħawi.
Australian Capital Territory
Il-Ministru Ewlieni fl-ACT, Andrew Barr jgħid li l-ħruġ tat-territorju mil- lockdown se jkun bil-mod, wara li kienu rreġistrati 13-il każ ieħor. Tmienja min-nies qegħdin l-istptar bil-virus u tlieta minnhom qegħdin fil-kura intensiva.
Madwar l-Awstralja fl-aħħar 24 siegħa
- It-Theraputic Goods Administration (TGA) issa rrakomandaw li l-ittestjar fid-dar se jkun disponibbli mill-1 ta’ Novembru
Kwarantina, ivvjaġġar, kliniċi tal-ittestjar u pandemic disaster payment
Kwarantina u ħtiġijiet tal-ittestjar huma mmaniġġjati u implimentati mill-gvernijiet statali u territorjali.
Jekk trid tivvjaġġa barra l-Awstralja, tista’ tagħmel hekk billi tapplika onlajn għal eżenzjoni. Ikklikkja hawnhekk għal aktar informazzjoni dwar il-kundizzjonijiet biex tħalli l-Awstralja. Hemm miżuri temporanji għal titjiriet internazzjonali li huma riveduti regolarment mill-gvern u aġġornati fuq il-websjat ta’ Smart Traveller.
- Aħbarijiet u informazzjoni f’aktar minn 60 lingwa f’ sbs.com.au/coronavirus
- Linji gwida relevanti għall-istat jew territorju fejn toqgħod: NSW, Victoria, Queensland, Western Australia, South Australia, Northern Territory, ACT, Tasmania.
- Informazzjoni dwar COVID-19 vaccine in your language.
Iċċekkja r-riżorsi maqlubin bil-lingwa tiegħek ippubblikati mis-Servizz ta’ Komunikazzjoni tas-Saħħa Multikulturali ta’ NSW (NSW Multicultural Health Communication Service):
Kliniċi tal-ittestjar f’kull stat u territorju:
Informazzjoni dwar il-Pandemic disaster payment f’kull stat u territorju:
