''Zoo li peb yeej raug neeg soj tas mus li tsis hais ntawm lub neej digital los yog lub neej yaj ceeb.''

Vim li cas tej kws paub zoo txog cybersecurity thiaj nqua hu kom tsoom fwv nrog xyuas kom muaj cov kev pov puag neeg Australia cov data privacy kom zoo tshaj qub ntxiv thiab nom tswv qhia tias yuav los txheeb nws tsab cai Privacy Acts rau thaum yuav xaus xyoo no?

Close-up of privacy policy submit button Source: Moment RF / SEAN GLADWELL/Getty Images

Tom qab tau muaj neeg phem cyber criminal mus nyiag tau ntau millions tus neeg Australia tej ntawv yuav tshuaj electronics uas muaj tej npe, chaw nyob xov tooj thiab emails thiab tau coj mus muag hauv dark web lawm.

Ces tej kws paub zoo txog cybersecurity thiaj nqua hu kom nom tswv yuav tsum kub siab tshaj no los pov puag neeg Australia tej xov xwm ntiag tug kom tsis txhob raug neeg phem nyiag tau ntxiv lawm.

Thiaj ua rau Mark Dreyfus uas yog Australia tus kws lij choj teb chaws yuav ua tus los txheeb Australia tsab cai Privacy Acts thiab tseem yuav coj los sab laj hauv tsev tsoom fwv rau thaum yuav xaus xyoo 2024 no.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify 

thiab Apple podcasts. Download SBS Audio app thiab caum SBS Hmong pod follow.