Jason Lee uas yog ib tug hluas Hmoob Australia ua hauj lwm rau lub cuam chav tswj ciam teb (Australia Border Force) ntawm tsav dav hlau Melbourne Airport tau qhia tias ''qhov tseem ceeb tshaj plaws ces thaum koj sau daim ntawv qhia tias koj nqa khoom dab tsi nrog koj tuaj rau teb chaws Australia ces kom kos (tick) rau los lus 'Yes' tias koj nqa khoom nrog koj, kom koj thiaj tsis txhob raug nplua."
Nws hais tias yeej muaj daim ntawv no ua ntawv Nplog thiab ntawv Thaib yog tias koj tsis paub ntawv Aaskiv zoo. Thiab tej zaum Australia tej neeg ua hauj lwm tswj ciam teb ntawm tej tsav dav hlau kuj pab koj sau koj daim ntawv qhia tias koj nqa khoom dab tsi tuaj rau Australia ntawm tsav dav hlau tau thiab.
Yog li ntawd Mr Lee thiaj xav qhia kom mus txheeb ntawm Australia Border Force lub vas sab kom thiaj paub tias pub thiab tsis pub koj nqa dab tsi tuaj rau Australia.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
