Vim rau qhov raws li tsab ntawv cej luam Rare Cancer Moonshot ntawm lub koom haum Rare Cancers Australia tau qhia ces tej neeg yeej mob cancer txog li 56,000 tus ib xyoos twg, thiab tsuas muaj cov neeg mob cancer tsawg tsawg tsuas muaj cov feem puas txog 45 ua tau lub neej nyob ntev txog 5 xyoos tom qab raug tshuaj ntsuam tau tias tau cov mob no xwb. Hos cov mob cancer uas mob ib nyuag tsawg zog tej mob coob ces muaj cov feem pua txog 62 tab sis tej mob cancer uas mob coob ces muaj cov feem pua ua tau lub neej txog 5 xyoos txog li ntawm 77 feem pua.
Ces tej koom haum sawv cev rau tej neeg mob cancer thiaj tau muaj cov kev nqua hu kom nom tswv, tej chaw kho mob, tej chaw teeb txheeb thiab tej zejzog los nrog xyuas kom pab tau tej neeg mob uas raug ntsuam tau tias tau tej kab mob cancer mob tsawg zog los yog tej kab mob cancer uas mob tsawg tsawg rau tej neeg kom tau siv cov kev kho mob thiab tau txais kev pab cuam zoo tshaj tej kev pab cuam muaj siv tam sim no.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
