- អូស្ត្រាលីភាគខាងលិច (WA) បានបន្ថយការរឹតបន្តឹងនៃកូវីដ-19 ពី 'កម្រិត 2' ទៅ 'កម្រិត 1' ទោះបីជាមានការកើនឡើងនៃករណីថ្មីនៅក្នុងរដ្ឋក៏ដោយ។
- ការពាក់ម៉ាសនៅតែជាកាតព្វកិច្ចសម្រាប់ក្រុមមនុស្ស ដែលមានអាយុចាប់ពី 8 ឆ្នាំឡើងទៅ(សម្រាប់សិស្សសាលាគឺចាប់ពី 3ឆ្នាំឡើងទៅ) គ្រប់ទីកន្លែងនៅក្រៅផ្ទះ លើកលែងតែនៅក្នុងផ្ទះ ។ លើសពីនេះទៀត គឺត្រូវតែពាក់ម៉ាស់ នៅពេលប្រើប្រាស់មធ្យោបាយដឹកជញ្ជូនសាធារណៈ នៅក្នុងរថយន្តតាក់ស៊ី និងនៅលើផ្លូវជិះកង់ នៅមន្ទីរពេទ្យ និងកន្លែងថែទាំមនុស្សចាស់ ឬកន្លែងថែទាំជនពិការក្នុងលំនៅដ្ឋាននៅក្នុងរដ្ឋ។
- អូស្ត្រាលីភាគខាងត្បូងបានដកចេញកំហិតនៃការចាក់វ៉ាក់សាំងចំពោះបុគ្គលិកបម្រើការនៅសាលារៀន និងបុគ្គលផ្តល់សេវាកម្មដឹកជញ្ជូនអ្នកដំណើរ ។ វាមានន័យថា គ្រូបង្រៀនដែលមិនបានចាក់វ៉ាក់សាំង បុគ្គលិកសាលា បុគ្គលិកដឹកជញ្ជូនសាធារណៈ និងអ្នកបើកបរតាក់ស៊ី អាចត្រឡប់ទៅធ្វើការវិញបាន ដោយត្រូវគោរពតាមច្បាប់ររឹតបន្តឹងមួយចំនួន។
- ការស្លាប់ដោយសារកូវីដ-19 បានកើនឡើងនៅក្នុងរដ្ឋញ៉ូសៅវែល ពី 15 នាក់នៅថ្ងៃពុធដល់ 17 នាក់នៅថ្ងៃព្រហស្បតិ៍។
- អង្គការសុខភាពពិភពលោក (WHO) បានចេញផ្សាយផែនការយុទ្ធសាស្ត្រត្រៀមលក្ខណៈ ការត្រៀមខ្លួន និងឆ្លើយតប ដែលបានធ្វើបច្ចុប្បន្នភាពលើកទីបី ដើម្បីបញ្ចប់គ្រាអាសន្នកូវីដ-19 នៅទូទាំងសកលឆ្នាំ2022។
- ផែនការនេះដាក់ចេញនូវសេណារីយ៉ូដែលអាចកើតមានចំនួនបី ករណីមូលដ្ឋាន ករណីល្អបំផុត និងករណីអាក្រក់បំផុត អំពីថាតើ ជំងឺរាតត្បាតនេះបានវិវត្តយ៉ាងដូចម្តេចនៅឆ្នាំនេះ ហើយនិងថាតើ វាត្រូវបានគេឆ្លើយតបយ៉ាងដូចម្តេច។
- ករណីមូលដ្ឋាន៖ មេរោគនៅតែបន្តវិវឌ្ឍ។ ប៉ុន្តែភាពធ្ងន់ធ្ងររបស់វាត្រូវបានកាត់បន្ថយយ៉ាងខ្លាំងដោយសារភាពស៊ាំថិតថេរនិងគ្រប់គ្រាន់ ។ ការរីករាលដាលតាមកាលកំណត់ក្នុងការចម្លងរោគអាចកើតឡើង។
- ករណីល្អបំផុត៖ វ៉ារ្យ៉ង់នាពេលអនាគតគឺមិនសូវធ្ងន់ធ្ងរទេ។ ការការពារប្រឆាំងនឹងជំងឺធ្ងន់ធ្ងរត្រូវបានគេគ្រប់គ្រង ដោយមិនចាំបាច់មានកាលកំណត់នៃដូសជំរុញ ឬការផ្លាស់ប្តូរសំខាន់ៗនៃវ៉ាក់សាំងបច្ចុប្បន្ននេះឡើយ។
- ករណីអាក្រក់បំផុត៖ វ៉ារ្យ៉ង់ដែលមានមេរោគ និងឆ្លងខ្លាំងជាងនេះបានលេចចេញឡើង។ វ៉ាក់សាំងមានប្រសិទ្ធភាពតិចជាង។ ភាពស៊ាំប្រឆាំងនឹងជំងឺធ្ងន់ធ្ងរ និងការស្លាប់ថយចុះយ៉ាងឆាប់រហ័ស ជាពិសេសនៅក្នុងក្រុមដែលងាយរងគ្រោះបំផុត។ វានឹងតម្រូវឱ្យមានការកែប្រែយ៉ាងសំខាន់ចំពោះវ៉ាក់សាំងបច្ចុប្បន្ន។
- អង្គការសុខភាពពិភពលោកបាននិយាយថា មានករណីឆ្លងច្រើនជាង 479 លាននាក់ និងការស្លាប់ចំនួន 6 លាននាក់ត្រូវបានចុះបញ្ជី ចាប់តាំងពីជំងឺរាតត្បាតបានចាប់ផ្តើមកាលពីពីរឆ្នាំមុន។
ស្ថិតិកូវីដ-១៩នៅក្នុងប្រទេសអូស្រ្តាលី
- រដ្ឋញ៉ូសៅវែលមាន 22,107 ករណី ។ មាន 1,346 នាក់ នៅមន្ទីរពេទ្យ 39 នាក់ នៅបន្ទប់ ICU និង ស្លាប់ 17 នាក់ ។
- រដ្ឋវិចថូរៀមាន 11,292 ករណី ។ មាន 312 នាក់ នៅមន្ទីរពេទ្យ 14 នាក់នៅ ICU ស្លាប់ 4 នាក់ ។
- ដែនដីរាជធានីអូស្ត្រាលីមាន 1,194 ករណី ។ មាន 47 នាក់នៅមន្ទីរពេទ្យ 3 នាក់នៅ ICU ស្លាប់ 2 នាក់ ។
- រដ្ឋគ្វីនឡែនមាន 7,289 ករណី ។ មាន 362 នៅមន្ទីរពេទ្យ 16 នាក់នៅ ICU ស្លាប់ 5 នាក់ ។
- រដ្ឋតាស្មានៀមាន 2,478 ករណី ។ មាន 29 នៅមន្ទីរពេទ្យ មិនមានអ្នកជំងឺក្នុងបន្ទប់ ICU ទេ ។
សម្រាប់វិធានការដែលមាននាពេលបច្ចុប្បន្ន ដើម្បីឆ្លើយតបទៅនឹងការឆ្លងរាលដាលនៃកូវីដ-១៩ ជាភាសារបស់លោកអ្នក សូមចូលមើលនៅទីនេះ។
ការធ្វើចត្តាឡីស័កនិងការរឹតបន្តឹងនានានៅតាមរដ្ឋនិមួយៗ៖
ការធ្វើដំណើរ៖
ព័ត៌មានសម្រាប់អ្នកធ្វើដំណើរអន្តរជាតិ និងកូវីដ-១៩ និង ព័ត៌មាននៃការធ្វើដំណើរជាភាសាផ្សេងក្រៅពីអង់គ្លេស។
ជំនួយហិរញ្ញវត្ថុ៖
មានការផ្លាស់ប្តូរចំពោះប្រាក់ជំនួយគ្រោះមហន្តរាយកូវីដ-១៩ (COVID-19 Disaster Payment) នៅពេលដែលរដ្ឋនីមួយៗឈានដល់អត្រាចាក់វ៉ាក់សាំងពេញលេញ ៧០% និង ៨០%។ ការទទួលបាននូវជំនួយក្នុងអំឡុងពេលកូវីដពី Services Australia ជាភាសារបស់អ្នក។
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
- ដំណឹងនិងព័ត៌មានជា៦៣ភាសា មាននៅលើ sbs.com.au/coronavirus
ការណែនាំដែលពាក់ព័ន្ធសម្រាប់រដ្ឋឬដែនដីរបស់អ្នក៖ NSW, Victoria, Queensland, Western Australia, South Australia, Northern Territory, ACT, Tasmania
- ព័ត៌មានបន្ថែមអំពី វ៉ាក់សាំងបង្ការកូវីដ-១៩ ជាភាសារបស់លោកអ្នក។
ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖ វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប។
គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖
