នេះគឺជាហេតុផល៩យ៉ាងដែលលោកអ្នកគួរតែពិនិត្យសុខភាពឲ្យបានទៀងទាត់៖
១ ដើម្បីវាយតម្លៃសុខភាពជាទូទៅរបស់លោកអ្នក
នៅពេលដែលអ្នកទៅជួបវេជ្ជបណ្ឌិតប្រចាំគ្រួសាររបស់លោកអ្នកដើម្បីពិនិត្យសុខភាពនោះ វេជ្ជបណ្ឌិតអាចនឹងសាកសួរពីប្រវត្តិជំងឺរបស់អ្នក ពីប្រវត្តិជំងឺគ្រួសារអ្នក និងពីរបៀបរស់នៅរបស់អ្នក។ ពួកគាត់អាចស្នើឲ្យមានការពិនិត្យសុខភាពលក្ខណៈស្តង់ដាមួយ រួមមានការមើលឈាម ពិនិត្យទឹកនោម ពិនិត្យភ្នែក និងធ្វើតេស្តត្រចៀកជាដើម។
A stethoscope in the shape of a normal EKG graph Source: Getty Images
២ ធ្វើតេស្តរកជំងឺទឹកនោមផ្អែម
ពលរដ្ឋអូស្រ្តាលី២៨០នាក់អភិវឌ្ឍន៍ទៅរកជំងឺទឹកនោមផ្អែម (diabetes) ជារៀងរាល់ថ្ងៃ។ នោះមានន័យថ្នាក់ម្នាក់នៅរៀងរាល់៥នាទីម្តង។ ការធ្វើតេស្តរកជំងឺទឹកនោមផ្អែមវាស់កម្រិតជាតិស្ករនៅក្នុងឈាមរបស់លោកអ្នក។ ការធ្វើតេស្តកម្រិតជាតិស្ករក្នុងឈាមត្រូវបានគេប្រើប្រាស់ដើម្បីវាស់កម្រិតជាតិគ្លុយកូសនៅក្នុងឈាមរបស់លោកអ្នក។
African woman using diabetes test kit Source: Getty Images
៣ ដើម្បីពិនិត្យជាតិខ្លាញ់ (Cholesterol)
មូលនិធិបេះដូង (Heart Foundation) និយាយថា វាគឺជារឿងសំខាន់ក្នុងការគ្រប់គ្រងកម្រិតជាតិខ្លាញ់របស់លោកអ្នក។
Cholesterol test Source: Getty Images
៤ ដើម្បីពិនិត្យសម្ពាធឈាម
សម្ពាធឈាមខ្ពស់ (ឬក៏លើសឈាម)ក្នុងរយៈពេលវែងគឺជាកត្តាគ្រោះថ្នាក់ដ៏ចំបងនៃជំងឺបេះដូង។ មានការណែនាំឲ្យអ្នកពិនិត្យសម្ពាធឈាមរៀងរាល់៦ខែម្តង។ សម្ពាធឈាម (blood pressure)ដែលក្រោម 120/80mmHg ចាត់ទុកថាល្អប្រសើរ។
Source: AAP
៥ ដើម្បីគណនាសន្ទស្សម៉ាសនៃរូបរាងកាយរបស់លោកអ្នក (BMI)
២ភាគ៣នៃពលរដ្ឋអូស្រ្តាលីបើមិនធាត់ជ្រុលទេក៏លើសទម្ងន់ដែរ។ វេជ្ជបណ្ឌិតអាចគណនាសន្ទស្សម៉ាសនៃរូបរាងកាយរបស់អ្នកដោយធ្វើការប្រៀបធៀបទម្ងន់ទៅនឹងកំពស់របស់អ្នក។ BMI ផ្តល់ជាយោបល់ដល់អ្នកថាតើអ្នកមានទំងន់សមល្មម ឬក៏ស្គម ឬធាត់ ឬក៏ធាត់ជ្រុលធៀបទៅនឹងកំពស់របស់អ្នក។
Source: AAP
៦ ដើម្បីពិនិត្យសកម្មភាពបេះដូងរបស់អ្នក
ការវាស់ចង្វាក់បេះដូងដែលហៅថា ECG គឺជាការធ្វើតេស្តវេជ្ជសាស្រ្តដ៏សាមញ្ញមួយដែលវាស់ចង្វាក់បេះដូងរបស់អ្នកដោយគ្រឿងអគ្គិសនី នៅពេលដែលបេះដូងរបស់អ្នកកន្រ្តាក់។ វេជ្ជបណ្ឌិតប្រចាំគ្រួសារឬGPរបស់លោកអ្នកអាចស្នើសុំឲ្យមានការធ្វើតេស្តECG ដើម្បីការពារភាពមិនប្រក្រតីនៃបេះដូង។
Close-up of an ECG report Source: Getty Images
៧ ដើម្បីចាក់ថ្នាបង្ការជំងឺនិងបង្កើតភាពស៊ាំដល់លោកអ្នក
មានការប៉ាន់ប្រមាណថា ការចាក់ថ្នាំវ៉ាក់សាំងនៅពេលបច្ចុប្បន្នេះបានជួយសង្គ្រោះជីវិតមនុស្សរហូតដល់ទៅ៣លាននាក់នៅទូទាំងពិភពលោកជារៀងរាល់ឆ្នាំ។ ការចាក់ថ្នាំបង្ការ(Immunisation) គឺជាវិធីងាយស្រួល មានសុវត្ថិភាពនិងមានប្រសិទ្ធិភាពខ្ពស់ក្នុងការការពារកុមារនិងមនុស្សពេញវ័យពីជំងឺគ្រោះថ្នាក់នានាមុនពេលដែលពួកគេប៉ះពាល់ជំងឺទាំងនោះ។
Source: David Cheskin/PA Wire
៨ ដើម្បីពិនិត្យស្បែករបស់លោកអ្នក
ក្រុមប្រឹក្សាជំងឺមហារីក (Cancer Council) និយាយថា២ភាគ៣ពលរដ្ឋអូស្រ្តាលីធ្វើរកវិនិច្ឆ័យឃើញកើតជំងឺមហារីកស្បែកនៅពេលដែលពួកគេមានអាយុ៧០ឆ្នាំ ហើយជារៀងរាល់ឆ្នាំមានមនុស្ស៧៥០០០០ ព្យាបាលជំងឺមហារីកស្បែកនេះនៅក្នុងប្រទេសអូស្រ្តាលី។ វេជ្ជបណ្ឌិតពិនិត្យជំងឺទូទៅពិនិត្យស្បែករបស់អ្នកដោយរកមើលប្រជ្រុយនិងកន្ទួលរមាស់ខុសប្លែកពីធម្មតាដែលអាចជាជំងឺមហារីកស្បែក។
Dermatologist examining patient for signs of skin cancer Source: Getty Images
៩ ដើម្បីទៅពិនិត្យសុខភាពផ្លូវចិត្តរបស់លោកអ្នក
អង្គភាព Beyond Blue និយាយថា ពលរដ្ឋអូស្រ្តាលី៣លាននាក់កំពុងតែរស់នៅជាមួយនឹងជំងឺបាក់ទឹកចិត្តឬក៏ជំងឺថប់អារម្មណ៍។ វេជ្ជបណ្ឌិតពិនិត្យជំងឺទូទៅគឺជាចំណុចចាប់ផ្តើមដ៏ប្រសើរបំផុតសម្រាប់អ្នកដែលស្វែងរកជំនួយពីអ្នកជំនាញវិជ្ជាជីវៈ។
Source: Public Domain
របាយការណ៍ពាក់ព័ន្ធ៖
តើទៅជួបវេជ្ជបណ្ឌិតប្រឹក្សាជំងឺនៅក្នុងប្រទេសអូស្រ្តាលីតាមវិធីណា?
