១ តើចៅហ្វាយនាយរបស់អ្នកត្រូវធ្វើអ្វីខ្លះ?
ត្រូវតែបង្ហាញអ្នកពីវិធីធ្វើការងារប្រកបដោយសុវត្ថិភាព ធានាឲ្យបានថា មានរណាម្នាក់កំពុងតែពិនិត្យមើលអ្នក មិនសុំឲ្យអ្នកធ្វើអ្វីដែលត្រូវការអាជ្ញាប័ណ្ណពិសេស ដូចជាបើកបររថយន្តធម្មតា រថយន្តស្ទូចឬក៏រថយន្តលើកដាក់ទំនិញនោះទេប្រសិនបើអ្នកមិនមានអាជ្ញាប័ណ្ណត្រឹមត្រូវ មិនមានឧបករណ៍ត្រឹមត្រូវសម្រាប់អ្នកក្នុងការធ្វើការងារប្រកបដោយសុវត្ថិភាព និងផ្តល់ឲ្យអ្នកនូវឧបករណ៍សុវត្ថិភាពប្រសិនបើអ្នកត្រូវការវាដើម្បីធ្វើការងារនោះ។
Image
២ អ្វីខ្លះដែលអ្នកត្រូវធ្វើដើម្បីរក្សាសុវត្ថិភាពរបស់អ្នកនៅកន្លែងធ្វើការ
អ្នកត្រូវមើលថែទាំសុខភាពនិងសុវត្ថិភាពខ្លួនឯងនៅកន្លែងធ្វើការ រួមទាំងការដែលមានរូបរាងកាយមាំមួននិងសុខភាពល្អដើម្បីធ្វើការងាររបស់អ្នក ។ អ្នកមិនអាចស្ថិតនៅក្រោមឥទ្ធិពលនៃសុរា ឬក៏ថ្នាំញៀន ឬក៏ទទួលទានសុរាឬក៏ប្រើប្រាស់ថ្នាំខុសច្បាប់នៅកន្លែងធ្វើការ ឬក៏ប្រព្រឹត្តអំពើដែលអាចមានគ្រោះថ្នាក់ដល់ខ្លួនឯងឬក៏អ្នកដទៃនៅកន្លែងធ្វើការនោះទេ។
Source: Pixabay/Public Domain
៣ អ្នកមានសិទ្ធិក្នុងការទទួលបានប្រាក់ឈ្នួលនិងលក្ខខណ្ឌការងារត្រឹមត្រូវ
នៅក្នុងប្រទេសអូស្រ្តាលី មានការកំណត់ប្រាក់ឈ្នួលអប្បបរមា និងលក្ខខណ្ឌការងារ។ អង្គភាព Fair Work Ombudsman ជួយដល់និយោជក និងកម្មករឲ្យយល់ពីសិទ្ធិនិងការទទួលខុសត្រូវទាំងនេះនៅកន្លែងធ្វើការ ហើយពួកគេក៏អាចជួយអ្នកស្វែងយល់ផងដែរថាតើអ្នកត្រូវទទួលបាននូវប្រាក់ឈ្នួលប៉ុន្មាន។
Source: Courtesy of Fair Work
៤ ការសម្លុតគម្រាមកំហែងនៅកន្លែងធ្វើការ
ប្រសិនបើអ្នកត្រូវគេសម្លុតគម្រាមកំហែងនោះ អ្នកត្រូវប្រាប់ថៅកែរបស់អ្នក ឬក៏បុគ្គលិកដទៃទៀត ហើយប្រាប់ពួកគេថាអ្នកចង់ឲ្យបញ្ឈប់បញ្ហានេះកុំឲ្យកើតមានឡើងទៀត។ ប្រសិនបើវាមិនបញ្ចប់ទេនោះ អ្នកអាចនិយាយជាមួយអាជ្ញាធរណាម្នាក់នៅក្នុងរដ្ឋឬក៏ដែនដីដែលលោកអ្នកកំពុងតែធ្វើការ។ អ្នកក៏អាចពិភាក្សាជាមួយនឹង គណៈកម្មការFair Work Commission ឬក៏ទូរសព្ទទៅកាន់លេខ ១៣០០ ៧៩៩ ៦៧៥។
Source: AAP/PA Wire
៥ តើអ្នកគួរធ្វើយ៉ាងណា នៅពេលដែលអ្នកមានគ្រោះថ្នាក់នៅកន្លែងការងារ
ស្វែងរកជំនួយដំបូងឬក៏ទៅជួបវេជ្ជបណ្ឌិតឬក៏គិលានុប្បដ្ឋាយិកាភ្នាម។ អ្នកមានសិទ្ធិជ្រើសរើសវេជ្ជបណ្ឌិតដែលលោកអ្នកចង់ជួប។ អ្នកអាចសុំវេជ្ជបណ្ឌិតឲ្យចេញនូវវិញ្ញាបនប័ត្រវេជ្ជសាស្រ្ត (សំបុត្រពេទ្យ) ហើយអ្នកអាចបង្ហាញសំបុត្រនេះទៅឲ្យថៅកែរបស់អ្នក។ ប្រាប់ថៅកែរបស់អ្នកថា អ្នកមានរបួស ហើយបំពេញនូវរបាយការណ៍គ្រោះថ្នាក់។
ប្រសិនបើអ្នកសង្ស័យថា អ្នកត្រូវគេកេងប្រវ័ញ្ច ឬក៏មានអារម្មណ៍ថាគ្មានសុវត្ថិភាពឬក៏ត្រូវគេគម្រាមកំហែងនៅកន្លែងធ្វើការ អ្នកអាចធ្វើការសាកសួរដោយសំងាត់ទៅកាន់Fair Work Ombudsman ឬក៏អ្នកច្បាប់ខាងផ្នែកសុវត្ថិភាពកន្លែងការងារនៅក្នុងរដ្ឋរបស់អ្នក។
Source: AAP
សម្រាប់ព័ត៌មានបន្ថែមស្តីពីសុវត្ថិភាពការងារនៅក្នុងប្រទេសអូស្រ្តាលី សូមចូលទៅកាន់គេហទំព័ររបស់ Safe Work Australia។
ប្រសិនបើលោកអ្នកត្រូវការអ្នកជួយបកប្រែភាសា សូមទូរសព្ទទៅកាន់សេវាកម្មបកប្រែតាមរយៈលេខ ១៣ ១៤ ៥០៕
