- Fi NSW amministrati sitt miljun doża tal-vaċċin s’issa
- F’Victoria tiżdied l-eliġibiltà tat-tilqim
- Fl-ACT irreġistrati l-akbar numru ta’ każi
- Fi Queensland irreġistrati żewġ każi lokali
New South Wales
Fi NSW kienu rreġistrati 753 każ ġdid lokalment. Tal-anqas 49 każ kienu fil-komunità waqt li kienu infettivi.
Il-Premier Gladys Berejiklian tgħid li l-istat laħaq l-istadju sinifikanti ta’ sitt miljun tilqima, li jfisser li 60 fil-mija tal-popolazzjoni ħadet tal-anqas tilqima waħda.
Fi 12-il post tal-gvern lokali li huma ta’ tħassib, dawk bejn is-16 u d-39 sena u dawk li jaħdmu ma’ dawk b’diżabilità u fil-ħarsien tat-tfal qegħdin jingħataw prijorità biex jibbukkjaw għat-tilqima.
L-awtoritajiet tas-saħħa se jħabbru aktar ħelsien, aktar tard din il-ġimgħa għal dawk ir-residenti li jkunu mlaqqma kompletament. Ibbukkja llum l-appuntament għat-tilqima tiegħek.
Victoria
F’Victoria kienu rreġistrati 50 każ ġdid lokali. Għaxra minnhom m’humiex marbuta ma’ imxijiet magħrufa. Disa’ u tletin każ kienu fil-komunità waqt li kienu infettivi.
Il-Premier Daniel Andrews jgħid li dawk li għandhom 16-il sena u aktar se jkunu eliġibbli għat-tilqima Pfizer jew AstraZeneca f’ċentri tat-tilqim immexxija mill-istat mill-Erbgħa, 25 ta’ Awwissu.
Australian Capital Territory
Fl-ACT kienu rreġistrati 30 każ ġdid lokali. 17 minnhom kienu fil-komunità waqt li kienu infettivi.
Postijiet għall-ittestjar f’Kambah u Brindabella Business Park ser jerġgħu jiftħu mill-ġdid għada wara li għalqu minħabba t-temp ħażin.
Ikklikkja għal aċċess tal-lista ta’ postijiet esposti għall-virus. Tista’ tiċċekkja l-eliġibilità tiegħek għat- tilqima tal-COVID-19 hawnhekk.
Madwar l-Awstralja fl-aħħar 24 siegħa
- Fi Queensland kienu rreġistrati żewġ każi lokali li bħalissa qegħdin ikunu investigati.
- Id-Doherty Institute jinsisti li jkun sigur għall-Awstralja li tiftaħ mill-ġdid b’70-80 fil-mija tat-tilqim, irrespettivament in-numru ta’ każi, sakemm il-miżuri tas-saħħa pubblika jibqgħu japplikaw.
Kwarantina, ivvjaġġar, kliniċi tal-ittestjar u pandemic disaster payment
Kwarantina u ħtiġijiet tal-ittestjar huma mmaniġġjati u implimentati mill-gvernijiet statali u territorjali.
Jekk trid tivvjaġġa barra l-Awstralja, tista’ tagħmel hekk billi tapplika onlajn għal eżenzjoni. Ikklikkja hawnhekk għal aktar informazzjoni dwar il-kundizzjonijiet biex tħalli l-Awstralja. Hemm miżuri temporanji għal titjiriet internazzjonali li huma riveduti regolarment mill-gvern u aġġornati fuq il-websjat ta’ Smart Traveller.
- Aħbarijiet u informazzjoni f’aktar minn 60 lingwa f’ sbs.com.au/coronavirus
- Linji gwida relevanti għall-istat jew territorju fejn toqgħod: NSW, Victoria, Queensland, Western Australia, South Australia, Northern Territory, ACT, Tasmania.
- Informazzjoni dwar COVID-19 vaccine in your language.
Iċċekkja r-riżorsi maqlubin bil-lingwa tiegħek ippubblikati mis-Servizz ta’ Komunikazzjoni tas-Saħħa Multikulturali ta’ NSW (NSW Multicultural Health Communication Service):
Kliniċi tal-ittestjar f’kull stat u territorju:
Informazzjoni dwar il-Pandemic disaster payment f’kull stat u territorju:
