- L-istat ta’ NSW se jwarrab il-kwarantina għal dawk li jaslu l-Awstralja u jkunu mlaqqma kompletament mill-1 ta’ Novembru
- L-istat ta’ Victoria se jwarrab il-bżonn ta’ kwarantina għal dawk li jkunu mlaqqma kompletament fi NSW
- Ivvjaġġar reġjonali fi NSW ittardjat sal-1 ta’ Novembru
NSW
Fi New South Wales kienu rreġistrati 399 każ ġdid tal-coronavirus u tlett imwiet.
Il-Premier Dominic Perrottet ikkonferma li xi mizuri se jitnaqqsu minn nhar it-Tnejn wara li l-istat jilħaq il-mira ta’ 80 fil-mija tat-tilqim biż-żewġ dożi.
Huwa qal li livell għoli tat-tilqim ifisser li l-kwarantina fil-lukandi għal vjaġġaturi internazzjonali li jaslu l-Awstralja u kwarantina fid-dar jistgħu jieqfu mill-1 ta’ Novembru għal dawk li jkunu ħadu ż-żewġ dożi tat-tilqima. Test negattiv tal-PCR ikun meħtieg qabel vjaġġaturi jitilgħu abbord it-titjiriet tagħhom u jkun hemm proċedura ta’ ttestjar meta jaslu. It-tilqima trid tkun waħda approvata mit-TGA. Awstraljani li jkunu jridu jerġgħu lura l-Awstralja jingħataw prijorità.
Minn nhar it-Tnejn il-limitu ta’ ġemgħat ta’ nies fid-dar se jiżdied għal 20, waqt li ġemgħat ta’ nies barra se jiżdiedu għal 50 persuna.
Ivvjaġġar reġjonali se jkun ittardjat sal-1 ta’ Novembru.
VICTORIA
Min-nhar it-Tlieta, l-istat ta’ Victoria se jwarrab il-ħtiġijiet ta’ kwarantina għal dawk minn NSW li jkunu mlaqqma kompletament.
Fl-istat kienu rreġistrati 2,179 każ ġdid tal-COVID-19 u sitt imwiet. Vjaġġaturi għandhom jagħmlu test li jkun negattiv fi 72 siegħa wara li jaslu fl-istat.
Issa hemm ordni li ħaddiema awtorizzati li jaħdmu jkunu mlaqqma bl-ewwel doża tagħhom kontra l-COVID-19, jew li bbukkjaw it-tiqlima, biex ikunu jistgħu jibqgħu jaħdmu fuq il-post tax-xogħol.
ACT
Kien hemm 35 każ ġdid fl-ACT biex in-numru totali ta’ każi f’din l-imxija issa laħaq 1,394. Mara li kellha fuq is-70 sena mietet f’faċilità tal-kura tal-anzjani.
Fl-aħħar 24 siegħa madwar l-Awstralja
- Tliet kits tal-COVID-19 li bihom tkun tista’ tittestja lilek innifsek għal virus li l-eżattezza tagħhom hija madwar 97 fil-mija, se jkunu jistgħu jinxtraw mill-ispiżeriji mill-1 ta’ Novembru.
- Il-Bureau Awstraljan tal-Istatistika jgħid, li 138, 000 impjieg ieħor intilfu f’Settembru minħabba l-lockdown fi NSW, Victoria u l-ACT.
Kwarantina, ivvjaġġar, kliniċi tal-ittestjar u pandemic disaster payment
Kwarantina u ħtiġijiet tal-ittestjar huma mmaniġġjati u implimentati mill-gvernijiet statali u territorjali.
Jekk trid tivvjaġġa barra l-Awstralja, tista’ tagħmel hekk billi tapplika onlajn għal eżenzjoni. Ikklikkja hawnhekk għal aktar informazzjoni dwar il-kundizzjonijiet biex tħalli l-Awstralja. Hemm miżuri temporanji għal titjiriet internazzjonali li huma riveduti regolarment mill-gvern u aġġornati fuq il-websjat ta’ Smart Traveller.
- Aħbarijiet u informazzjoni f’aktar minn 60 lingwa f’ sbs.com.au/coronavirus
- Linji gwida relevanti għall-istat jew territorju fejn toqgħod: NSW, Victoria, Queensland, Western Australia, South Australia, Northern Territory, ACT, Tasmania.
- Informazzjoni dwar COVID-19 vaccine in your language.
Iċċekkja r-riżorsi maqlubin bil-lingwa tiegħek ippubblikati mis-Servizz ta’ Komunikazzjoni tas-Saħħa Multikulturali ta’ NSW (NSW Multicultural Health Communication Service):
Kliniċi tal-ittestjar f’kull stat u territorju:
Informazzjoni dwar il-Pandemic disaster payment f’kull stat u territorju:
