- In-nies fil-Victoria jistennew biex jitnaqqsu r-restrizzjonijiet li mistennija jibdew mil-lum
- L-awtoritajiet fi NSW iħeġġu lir-residenti biex jiċċelebraw Halloween bla periklu tal-COVOD-19
- L-istat ta’ Victoria b’aktar regoli stretti rigward eżenzjonijiet mediċi f’dak li għandu x’jaqsam tat-tilqima tal-COVID-19
VICTORIA
Fl-istat ta’ Victoria kienu rreġistrati 1,656 każ lokali ġdid tal-COVID-19 u 10 imwiet, waqt li l-istat qed jipprepara għal aktar tnaqqis fir-restrizzjonijiet mis-6pm tal-lejla.
Ħwienet mhux essenzjali se jerġgħu jiftħu llum għall-ewwel darba wara ġimgħat magħluqin, u n-numru limitat ta’ dawk li jistgħu jattendu restoranti, pabbs, u ħwienet tal-kafè se jiżdied.
Il-projbizzjoni tal-ivvjaġġar bejn Melbourne u Victoria reġjonali se tispiċċa. Hekk ma jkunx hemm restrizzjonijiet tal-moviment fl-istat kollu ta’ Victoria, b’residenti fl-inħawi metropolitani mistennija li jżuru r-reġjuni għal tmiem il-ġimgħa tal-Melbourne Cup.
Il-maskri m’humiex aktar meħtieġa li jintlibsu barra, imma għandhom jibqghu jntlibsu ġewwa.
New South Wales
Fi NSW kienu rreġistrati 268 każ lokali ġdid u żewġt imwiet.
In-nies huma mitluba li jiċċelebraw Halloween fi tmiem din il-ġimgħa bla periklu tal-COVID-19. Iċċelebraw din l-okkażjoni barra minflok fil-magħluq, ipprovdi ħelu u affarijiet oħra żgħar tal-ikel ppakkjati, minflok fi skutelli u platti fejn kulħadd juża jdejh. U kkunsidra modi oħra kif tqassam il-ħelu. Hawnhekk issib ċentru tat-tilqim viċin tiegħek.
Madwar l-Awstralja fl-aħħar 24 siegħa
- Fl-ACT kienu rreġistrati 10 każi ġodda. Hekk in-numru ta’ każi attivi huwa ta’ 234.
- Informazzjoni ġdida mill-Bureau Awstraljan tal-Istatistika turi li dawk li twieldu barra l-Awstralja kellhom rata ta’ mewt tal-COVID-19 ta’ 4.2 kull 100,000 persuna, imqabbla ma’ waħda ta’ 2.0 ta’ dawk li twieldu fl-Awstralja.
- L-istat ta’ Victoria se jagħmel regoli aktar stretti dwar l-eżenzjonijiet mediċi tat-tilqim tal-COVID-19, wara li nies inqabdu jfittxu tabib biex jagħtihom eżenzjoni.
Kwarantina, ivvjaġġar, kliniċi tal-ittestjar u pandemic disaster payment
Kwarantina u ħtiġijiet tal-ittestjar huma mmaniġġjati u implimentati mill-gvernijiet statali u territorjali.
Jekk trid tivvjaġġa barra l-Awstralja, tista’ tagħmel hekk billi tapplika onlajn għal eżenzjoni. Ikklikkja hawnhekk għal aktar informazzjoni dwar il-kundizzjonijiet biex tħalli l-Awstralja. Hemm miżuri temporanji għal titjiriet internazzjonali li huma riveduti regolarment mill-gvern u aġġornati fuq il-websjat ta’ Smart Traveller.
- Aħbarijiet u informazzjoni f’aktar minn 60 lingwa f’ sbs.com.au/coronavirus
- Linji gwida relevanti għall-istat jew territorju fejn toqgħod: NSW, Victoria, Queensland, Western Australia, South Australia, Northern Territory, ACT, Tasmania.
- Informazzjoni dwar COVID-19 vaccine in your language.
Iċċekkja r-riżorsi maqlubin bil-lingwa tiegħek ippubblikati mis-Servizz ta’ Komunikazzjoni tas-Saħħa Multikulturali ta’ NSW (NSW Multicultural Health Communication Service):
Kliniċi tal-ittestjar f’kull stat u territorju:
Informazzjoni dwar il-Pandemic disaster payment f’kull stat u territorju:
