L-ewwel grupp ta’ Maltin jaħdmu fil-kannamieli ta’ Queensland fl-1883

L-ewwel attentat ta’ migrazzjoni organizzata minn Malta għal Queensland kien fl-1883, meta 69 ħaddiem ntbagħtu jaħdmu fl-għelieqi tal-kannamieli fin-naħa t’isfel tal-Burdekin River. It-tbatijiet u d-diffikultajiet tax-xoghol li ltaqgħu magħhom dawn il-Maltin wasslu biex il-Maltin jibqgħu lura milli jemigraw lejn l-Awstralja sa kmieni s-seklu għoxrin. L-istudjuż u riċerkatur tal-istorja tal-Maltin fl-Awstralja, is-Sur Mark Caruana jitkellem ma’ Joe Axiaq dwar x’wassal għall-falliment ta’ dan l-ewwel grupp ta’ Maltin fl-Awstralja.