Монгол-Австрали-Дэлхий: Д.Алдардэлгэрийн түүх

Д.Алдардэлгэр Монголд ангийн дарга ч болж үзээгүй. Австралид ирээд олон улсын олимпиадуудад Австралийг төлөөлөн оролцдог болж, өөрийн төрийн бус байгууллагаа ч байгуулжээ. Ийм амжилтад түүнийг юу хөтөлсөн тухай эндээс сонсоорой.

Монгол хувцсаа өмсөн Австралийн далбааг барин зогсож буй энэ хүү бол Д.Алдардэлгэр. Copernicus International Mathematics Olympiad-д хүрэл медаль аван тайзан дээр зогсож байгаа нь.

Түүний оролцсон олон улсын олимпиадууд:

• IMEC Olympiad - (International Mathematics Olympiad) Хүрэл медаль
• FISO Olympiad (Future Intelligence Students Olympiad)Science, Chemistry – Хүрэл медаль
• 5th Copernicus Mathematics Olympiad – Хүрэл медаль
• 5th Copernicus Natural Science and Physics Astronomy Olympiad – Хүрэл медаль

Д.Алдардэлгэр Сидней хотын JJ Cahill Memorial High School-д сурдаг. Амьдардаг дүүргийнхээ залуусын төлөөлөн сургуулийнхаа сурагчдын зөвлөлд хоёр дахь удаагаа сонгогджээ. Бас Монгол дахь төрийн бус байгууллагынхаа гадаад харилцааны албаны гэрээ хариуцсан багт ажилладаг.

Д.Алдардэлгэр олон улсын олипиадыг Монгол, Солонгос, Австралид төлөөлөх эрхийг "Азбогд Алдар" ТББ -тайгаа хамтран авчээ. 2024 онд 800 гаруй хүүхдийг 8 улсын, 9 төрлийн олон улсын олимпиадад оролцуулж, 2-р шатанд тухайн улсад нь очиж оролцох боломжийг нээсэн байна.

Түүний тухай NSW Education цахим хуудаст гарсан нийтлэлийг ЭНД дарж уншаарай.