د اسټراليا بيلابيلو ايالتونو کې د کرونا ويروس نوې پيښې چټکۍ سره ډيريدو حال کې دي.
نيو ساوت ويلز ايالت په تيرو دوو ورځو کې له ۵۰۰۰ څخه ډيرې پيښې ثبت کړي او ډيري پيښې د کرونا ويروس اوميکرون ډول دي.
د اسټراليا ملي کابينه سبا يوه بيړنۍ ناسته کوي ترڅو اسټراليا کې د خلکو تر مينځ د اوميکرون ويروس بڼې خپريدو ارزونه وکړي او ايالتونو او سيمو ته لارښوونې وړاندې کړي.
نيو ساوت ويلز ايالت چې نږدې بشپړه ازادي خلکو ته ورکړل شوې تر پرون شپې ۸ بجو پورې يې ۲۴ ساعتونو کې ۲۵۰۱ نوې پيښې ريکارډ کړې.
د ياد ايالت مشر ډومنيک پيروتيت وايي، د ياد ايالت خلکو ته ازادي له بشپړ ډاډ سره ورکړل شوې او هغه وړانديزونه يې رد کړي چې ګواکې يو ځل بيا د مخ ماسک کارول جبري وګرځوي.
د ويروسونو برخې پوه ډان سوان چې ويسميت روغتون کې دنده ترسره کوي وايي، د اوميکرون ويروس بڼه ډيره ساري ده او چټکۍ سره خلکو ترمينځ انتقاليږي.
ښاغلی پر حکومت غږ کوي چې خپريدو مخنيوي لپاره ځيني عاجلو کړنو ته اړتيا ده.
د اسټراليا د نفوس ودې کچه ډيره ټيټه شوې او ۲۰۲۱ او ۲۰۲۲ کلونو کې يوازې ۰.۳ سلنه نفوس کې ډيروالی راغلی.
بله خوا کوينزليند ۵۹ نوې پيښې، ويکټوريا ۱۳۰۲،نيو ساوت ويلز ۲۵۰۱ او کنبيرا ۱۳ پيښې ثبت کړې.
