مهم ټکي:
- نیو ساوت وېلز ایالت له محدودیتونو څخه د وتلو نقشه اعلان کړه.
- د آسټرالیا په مرکزي سیمې کې د کرونا وېروس له امله د مړینې لومړنۍ پېښه ثبت شوه.
-
په وېکټوریا ایالت کې د کرونا وېروس ۷۰۵ نوې پېښې ثبت شوي.
نیو ساوت وېلز
د نیو ساوت وېلز ایالت چارواکي وايي چې په تېرو ۲۴ ساعتونو کې په دغه ايالت کې د کرونا ويروس ۷۸۷ نوې پيښې ثبت شوي او ۱۲ کسانو خپل ژوند له لاسه ورکړی دی.
د نیو ساوت وېلز ایالت مشره، ګلادیس بریجیکلین وايي چې د اکټوبر له ۱۱ نېټې څخه محدودیتونه نور هم کمېږي، تمه کېږي ترڅو د اکټوبر پر ۱۱ نېټه په نیو ساوت وېلز ایالت کې د واکسین شویو کسانو شمېر ۷۰ سلنه ته پورته شي.
آغلې برېجیکلین نن له محدودیتونو څخه د وتلو نقشې د اعلان پرمهال وویل چې ۸۰ سلنه کسان په نیو ساوت وېلز ایالت کې دوه ډوزه واکسین ترلاسه کړي له هغه وروسته د واده او جنازې به مراسمو کې د ګډون محدودیت هم له منځه وړل کېږي.
هغه زیاتوي کله چې ۹۰ سلنه خلک په نیو ساوت وېلز ایالت کې د کرونا دواړه ډوزه واکسین ترلاسه کړي نو تر هغې وروسته محدودیتونه نور هم کمېږي.
وېکټوریا
ایالت چارواکي وايي چې په تېرو ۲۴ ساعتونو کې په دغه ايالت کې د کرونا ويروس۷۰۵ نوې پيښې ثبت شوي.
په وېکټوریا ایالت کې تر دې دمه ۶۰ سلنه کسانو لږترلږه د کرونا واکسین یو ډوز ترلاسه کړی. وروسته له هغه چې په وېکټوریا ایالت کې ۷۰ سلنه کسانو د کرونا لږترلږه یو ډوز واکسین ترلاسه کړي، په ملبورن ښار کې به محدودیتونه کم شي.
د آسټرالیا مرکزي سیمه
د آسټرالیا په مرکزي سیمه کې د کرونا وېروس ۱۹ نوې پېښې ثبت شوي او یوه کس خپل ژوند له لاسه ورکړی.
د اکټوبر له ۱ نېټې څخه په مرکزي آسټرالیا کې ۲ کسان د یو بل کورونو ته ورتللی شي.
د هغو ځاینونو په اړه معلومات دلته لیدلی شئ چې د کرونا وېروس پېښې په کې ثبت شوي. که چېرې غواړئ پوه شئ چې واکسین ترلاسه کولای شئ او که نه دلته کلیک وکړئ.
د قرنطين، محدودیتونو، د آزمایښت کلینیکونو او وبا پرمهال د مالي مرستې په اړه معلومات:
د قرنطين او کرونا وېروس د معاينې چارې د آسټراليا ايالتي او سيمه ايزو حکومتونو لخوا پر مخ وړل کيږي.
تاسو د خپلو ايالتونو د ويبپاڼو له لارې له ډير معلومات له لاندې لينګونو څخه ترلاسه کولی شئ.
- NSW,Victoria, Queensland, Western Australia, South Australia, Northern Territory, ACT, Tasmania
- کوويډ-۱۹ لپاره واکسين ترلاسه کولو لپار پر خپل ژبه معلومات ترلاسه کړئ .
- د نيو ساوت ويلز څو کلتوريز وغتيا اړيکو خدمتونو ته چي ژباړل شوي لدې لينک له لارې لاسرسی ومومئ.
په ايالتونو او ښارونو کې د کرونا ويروس
د آسټراليا په ايالتونو او سيمو کې د كرونا ويروس د آزمایښت مرکزونه:
