مهم ټکي:
- په وېکټوریا ایالت کې د کرونا وېروس له امله لګول شوي محدودیتونه کمېږي.
- نیو ساوت وېلز ایالت ته نړیوال پروازونه ممکن په نومبر میاشت کې پیل شي.
- د آسټرالیا په مرکزي سیمې کې هغه کسان چې د ۱۶ او ۲۹ کلونو ترمنځ عمرونه لري کولای شي د فایزر واکسین ترلاسه کړي.
نیو ساوت وېلز
په تېرو ۲۴ ساعتونو کې په نيو ساوت ويلز ايالت کې د کرونا ويروس ۱۱۱۶ نوې پيښې ثبت کړې او ۴ کسانو خپل ژوند له لاسه ورکړی دی.
د نیو ساوت وېلز ایالت مشره، ګلادیس بریجیکلین وايي په دغه ایالت کې نږدې دویمه حصه بالغه کسانو لږ تر لږه یو ډوز واکسین ترلاسه کړی دی. تمه کېږي چې تر اکتوبر میاشت پورې به د آسټرالیا ۷۰ سلنه اوسېدونکي د کرونا وېروس دواړه ډوزه واکسین ترلاسه کړي.
آغلې بریجکلین همدا راز وايي چې نړیوال پروازونه کېدای شي په نومبر میاشت کې پیل شي.
د نیو ساوت وېلز ایالت د روغتیا وزیر، بریډ هزرد له خلکو غوښتنه کوي ترڅو د آسټرا زنیکا واکسین ترلاسه کړي ځکه د فایزر واکسین د ټولو خلکو لپاره کافي نده.
وېکټوریا
په وېکټوریا ایالت کې د کرونا وېروس ۱۲۰ نوې پېښې ثبت شوي او دوه کسانو خپل ژوند له لاسه ورکړی دی.
د وېکټوریا ایالت مشر، ډنیل انډریوز وايي چې په دغه ایالت کې به محدودیتونه کم شي، مګر هغه وخت چې ۷۰ سلنه اوسېدونکي لومړی ډوز واکسین ترلاسه کړي. ټاکل شوې ترڅو ویکټوریا ایالت د سپتمبر په ۲۳ نېټه دغه هدف ته ورسېږي.
په وېکټوریا ایالت کې ډیری اخته کسان له ۴۰ کلونو کم عمرونه لري او تر دې دمه ۸۰۵ کسانو خپل ژوند له لاسه ورکړی دی.
د آسټرالیا مرکزي سیمه
د آسټرالیا په مرکزي سیمه کې د کرونا وېروس۲۳ نوې پېښې ثبت شوي، له دغې ډلې څخه ۱۲ کسان په داسې حال کې چې ناروغه وه په ټولنه کې ګرځېدليدي.
د هغو ځاینونو په اړه معلومات دلته لیدلی شئ چې د کرونا وېروس پېښې په کې ثبت شوي. که چېرې غواړئ پوه شئ چې واکسین ترلاسه کولای شئ او که نه دلته کلیک وکړئ.
قرنطين، سفر، معاينې کلينيکونه او وبا ناورين پيسو مرستې.
Source: ALC
قرنطين او د معاينې چارې د اسټراليا ايالتونو او سيمه ايزو حکومتونو لخوا پر مخ وړل کيږي.
تاسې خپل ايالتونو ويبپاڼو له لارې له ډير معلومات له لاندې لينګونو څخه ترلاسه کولی شئ.
- NSW, Victoria, Queensland, Western Australia, South Australia, Northern Territory, ACT, Tasmania
- کوويډ-۱۹ لپاره واکسين ترلاسه کولو لپار پر خپل ژبه معلومات ترلاسه کړئ .
- COVID-19 vaccine in your language
- د نيو ساوت ويلز څو کلتوريز وغتيا اړيکو خدمتونو ته چي ژباړل شوي لدې لينک له لارې لاسرسی ومومئ.
په ايالتونو او ښارونو کې د کرونا ويروس
د اسټراليا ايالتونو او سيمو کې د کرونا ويروس معاينې مرکزونه:
