مهم ټکي:
- په وېکتوریا ایالت کې په یوه ورځ د کرونا تر ټولو ډېرې نوې پېښې ثبت شوي.
- د آسټرالیا په مرکزي سیمې کې ۹۴ سلنه کسانو د کرونا وېروس لومړی ډوز ترلاسه کړی دی.
- په کوينزلنډ ایالت کې د کرونا وېروس ۲ نوي پېښې ثبت شوي.
په نیو ساوت وېلز ایالت کې ۶۷.۵ سلنه کسانو د کرونا دواړه ډوزه واکسین ترلاسه کړی.
وېکټوریا
د وېکټوریا ایالت چارواکي وايي په تېرو ۲۴ ساعتونو کې د کرونا وېروس ۱۷۶۳ نوې پېښې په دغه ایالت کې ثبت شوي او ۴ کسان مړه شوي. د وېکټوریا ایالت مشر ډنیل انډریوز وايي اوس هم په یاد ایالت کې په زرهاوو کسانو لپاره د واکسین وخت شتون لري.
نیو ساوت وېلز
په نیو ساوت وېلز ایالت کې د کرونا وېروس ۶۰۸ نوې پېښې ثبت شوي او ۷ کسانو خپل ژوند له لاسه ورکړی دی.
تمه کېږي ترڅو د راتلونکې دوشنبې په ورځ په نیو ساوت وېلز ایالت کې د کرونا وېروس له امله لګول شوی قرنطین پای ته ورسېږي.
د قرنطین له پای ته رسېدلو سره به د ښونځیو زده کوونکي په تدریجي ډول سره خپلو ټولکیو ته ستانه شي.
د آسټرالیا مرکزي سیمه
د آسټرالیا په مرکزي سیمې کې د کرونا وېروس ۳۳ نوې پېښې ثبت شوي دي.
د روغتیا برخې مسئولین وايي چې په کرونا وېروس ۱۴ اخته کسان اوسمهال په روغتون کې تر درملنې لاندې دي.
د آسټرالیا د مرکزي سیمې د روغتیا افسره کېرېن کولمن وايي د نویو اخته شویو کسانو له ډلې څخه ۱۳ کسانو په داسې حال کې چې ناروغ وه په ټولنه کې ګرځېډلي دي.
د هغو ځاینونو په اړه معلومات دلته لیدلی شئ چې د کرونا وېروس پېښې په کې ثبت شوي. که چېرې غواړئ پوه شئ چې واکسین ترلاسه کولای شئ او که نه دلته کلیک وکړئ.
د قرنطين، محدودیتونو، د آزمایښت کلینیکونو او وبا پرمهال د مالي مرستې په اړه معلومات:
د قرنطين او کرونا وېروس د معاينې چارې د آسټراليا ايالتي او سيمه ايزو حکومتونو لخوا پر مخ وړل کيږي.
تاسو د خپلو ايالتونو د ويبپاڼو له لارې له ډير معلومات له لاندې لينګونو څخه ترلاسه کولی شئ.
- NSW,Victoria, Queensland, Western Australia, South Australia, Northern Territory, ACT, Tasmania
- کوويډ-۱۹ لپاره واکسين ترلاسه کولو لپار پر خپل ژبه معلومات ترلاسه کړئ .
- د نيو ساوت ويلز څو کلتوريز وغتيا اړيکو خدمتونو ته چي ژباړل شوي لدې لينک له لارې لاسرسی ومومئ.
په ايالتونو او ښارونو کې د کرونا ويروس
د آسټراليا په ايالتونو او سيمو کې د كرونا ويروس د آزمایښت مرکزونه:
