د آسټرالیا د هوا پیژندنې ادارې (BOM) د وېکټوریا او نیو ساوت ایالت د ځینو برخو اوسېدونکو ته د تودوخې د څپې په اړه خبرداری ورکړی چې د تودوخې څپه سویلي آسټرالیا او تزمانیا ته هم رسېږي.
تمه کېږي چې د تودوخې څپه به د نیو ساوت ویلز سویلي برخې لکه بیګا، بمبالا او عدن اغیزمنې کړي.
د وېکټوریا ایالت اوسېدونکو ته تېره ورځ (پنجشنبه) د تودوخې څپې خبرداری ورکړل شوی چې د روانې اوونۍ په پای کې به د تودوخې درجه له ۳۰ پورته شي.
د تودوخې څپه به د ویکټوریا ډیری سیمې اغیزمنې کړي په ځانګړې توګه د ایسټ ګیپسلینډ ( East Gippsland) سیمه چې له ملبورن څخه شاوخوا ۳۵۷ کیلومتره لرې موقعیت لري.
تمه کیږي چې د تودوخې درجه به د راتلونکې اونۍ په پیل کې کمه شي.
Shane Chelepy, state disaster coordinator for the Queensland Police Service, urged people not to drive through floodwaters following a series of rescues during recent heavy rainfall. Source: AAP / Simon Bullard
د هوا د حالاتو په اړه وروستي مالومات د آسترالیا د هوا پېژندنې ادارې له وېب پاڼې څخه ترلاسه کولای شئ: http://www.bom.gov.au/
په بېړنیو حالاتو کې د ۰۰۰ شمېرې ته زنګ ووهئ او که چېرې تاسو په انګلیسي ژبه نه پوهېږئ نو مهرباني وکړئ د ژباړې د وړیا خدمتونو لپاره ۵۰ ۱۴ ۱۳ شمېرې ته زنګ ووهئ.
د اس بي اس پښتو خپرونه دلته زموږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
