د تودوخې څپې خبرداری: په میلیونونو آسټرالیایان به نن د ډسمبر میاشتې ترټولو ګرمه ورځ تجربه کړي

تمه کېږي د آسټرالیا په ځینو سیمو کې به تودوخه ۴۷ درجو ته ورسیږي.

Two people wearing hats, backpacks, and long sleeve pants and shirts walk across the street while holding a sun umbrella, crossing the street. City buildings can be seen behind them.

تمه کېږي د آسټرالیا په ځینو سیمو کې به تودوخه ۴۷ درجو ته ورسیږي. Source: AAP / Con Chronis

مهم ټکي:
  • میلیونونو آسټرالیایانو ته د تودوخې د څپې په اړه خبرداری ورکړل شوی.
  • اټکل کېږي چې د نیو ساوت وېلز ایالت په ویلکانیا سیمه کې به تودوخه ۴۷ درجو ته ورسېږي.
  • کارپوهان وايي، د تودوخې له لوړېدو سره د مقابلې لپاره باید د لنډمهاله او اوږدمهاله پلانونو په اړه فکر وشي.
د آسټرالیا په بېلابېلو ایالتونو کې میلیونونو آسټرالیایانو ته د تودوخې په اړه خبرداری ورکړل شوی دی.

د وېکټوریا او نیو ساوت ویلز په ځینو برخو کې به د تودوخې درجه له ۴۰ درجو څخه لوړه شي، مګر د آسټرالیا شمالي سیمه به په راتلونکو دریو ورځو کې د تودوخې له سختې څپې سره مخ وي.

اډېلېد ښار تېره ورځ ۴۰ درجې ګرمې تجربه کړه.
تمه کېږي چې د نیو ساوت ویلز په لویدیځو سیمو کې قوي او ګرم شمال به د اورلګېدنې خطر هم زیات کړي.

د ویکټوریا په مرکزي او لویدیځو سیمو کې خلکو ته د اورلګېډنې په اړه خبرداری ورکړل شوی دی. تمه کېږي چې له ۲۰۱۹ کال راهیسې به نن د ډسمبر تر ټولو ګرمه ورځ وي.

تمه کیږي چې د دغه ایالت په میلډورا کې به نن د تودوخې درجه ۴۶ درجو ته، په سوان هیل کې ۴۵ درجو او په هورشام کې ۴۴ درجو ته ورسیږي.
د نیو ساوت ویلز ایالت په ویلکانیا کې د ۴۷ او په ایوانهو کې د ۴۶.۵ درجې ګرمۍ اټکل شوی دی.


په داسې حال کې چې آسټرالیایانو ته د تودوخې د نوې څپې په اړه خبرداری ورکړل شوی، کارپوهان وايي چې د تودوخې له لوړېدو سره د مقابلې لپاره د لنډمهاله او اوږدمهاله پلانونو په اړه فکر کول مهم دي.

د آسټرالیا د تازه خبرونو او په زړه پورو موضوعاتو لپاره زموږله ویب پاڼې لیدنه وکړئ.

که چېرې غواړئ په انګلیسي ژبه زموږ خپرې شوې مقالې ولولئ، مهرباني وکړئ دلته کلیک کړئ.

د اس بي اس پښتو خپرونه دلته زموږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.


شریکول

خپور شوی په

اپډیټ شوی په

لخوا SBS Pashto
سرچینه: SBS

Follow SBS Pashto

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Pashto-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service