د ډسمبر د میاشتې په ۲۱مه نېټه یوه ۶ کلن ماشومان غوښتل ترڅو له فلاډلفیا څخه فلوریډا ښار ته سفر وکړي، مګر هوايی شرکت په غلطه الوتکه کې کښینولی او اورلانډو ښار ته یې انتقال کړی.
راپورونه ښيي چې دغه ماشوم د لومړي ځل لپاره یواځې سفر کاوه، مګر هوايي شرکت غلط ښار ته انتقال کړی دی.
د سپېرېټ هوايي شرکت د دغې غلطۍ لپاره بښنه غوښتې او ویلي چې په دې اړه به څېړنه وکړي.
دغه ماشوم غلط ښار ته تر رسېدلو وروسته خپلې انا ته زنګ وهلی چې په اورلانډو کې دی، مګر انا یې د فلوریډا په هوايي ډګر کې انتظار وه.
د سپېرېټ ایرلاین لخوا په خپرې شوې اعلامیې کې په دې اړه ندي ویل شوي چې ماشوم څرنګه توانېدلی په غلطې الوتکه کې کښیني.
د دغه هوايي شرکت په اعلامیې کې راغلي:
"ماشوم ټول وخت د سپېرېټ هوايي شرکت د ټیم د غړي تر څار لاندې وه او کله چې موږ خپلې تېروتنې ته متوجه شوو، د ماشوم له کورنۍ سره مو سمدستي اړیکه نیولې ترڅو له کورنۍ سره یوځای شي."
"موږ د خپلو ټولو میلمنو د لیږد خوندیتوب او مسؤلیت جدي نیسو او داخلي پلټنې ترسره کوو."
"موږ د دې تجربې لپاره له کورنۍ بخښنه غواړو."
لا ډېر ولولئ
کورنی تاوتریخوالی د اسلام له نظره څرنګه عمل دی؟
زموږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
