اسټراليا کې تکړه سوداګر، د افغانانو ټولنې مشر او د اسټراليا لخوا سعودي عرب ته استول شوی استازی، او‌ښبه افغان صالح محمد وپيژنئ

افغان اوښبه صالح محمد د اسټراليا حکومت لخوا سعودي عربستان ته استول شوی وه ترڅو د دواړو هيوادونو اړيکې ښې کړي.

Camel team, Wilcannia, New South Wales, Australia, 1886. Wilcannia is a small town located within the Central Darling Shire in New South Wales. Wood engraving f Source: Getty Images

 

د صالح محمد پلار، ګل محمد په نولسمه پېړۍ کې د افغانستان له پلازمېنې کابل څخه آسټرالیا ته راغلی وه.

د صالح محمد پلار ګل محمد له یوې فرانسوۍ ښځې سره واده کړی و. اسناد ښيي چې اوښبه افغان صالح محمد بیا په ۱۹۴۷ کال کې له یوې اسټرالیایۍ ښځې سره واده کړی وه ولې خپل ټول کې مسلمان وه.

صالح محمد د ۱۹۱۱م  کال د سپټمبر د میاشتې په ۱۶ نېټه، د سویلي اسټرالیا په کولګارډي سیمه کې زېږېدلی و.  سره لدې چې نوړی په اسټرالیا کې زېږېدلی خو تاریخ پوهان نوموړی د اوښبه افغانانو په لېست کې شماري ځکه د هغه پلار یو اوښبه افغان و او همدا راز نوموړي هم په هغو برخو کې کار کړی چې د اوښبه افغانانو په میراثونو کې شمېرل شوي.

نوموړی يو له تکړه سوداګرو څخه وه او د ريل ګاډو تم ځای سمبالولو ترڅنګ يې له خپلو دریو زامنو سره د محمد ټرکنګ کمپني په نوم یو شرکت هم جوړ کړی وه.

صالح محمد چې هغه مهال يې افغانانو په مينځ کې ښه نوم خپل کړی وه نوموړی په الیس سپرینګ ښار کې د افغانانو د ټولنې مشري هم پر غاړه اخیستي وه.

په ۱۹۷۵ م کال کې له صالح محمد څخه غوښتنه شوې ترڅو سعودي عربستان ته سفر وکړي او د اسټرالیا او سعودي عربستان د اړیکو د ښه والي لپاره د سعودي پاچا ملک فیصل ته د اوښانو تحفه وړاندې کړي ولې مخکې لدې چې صالح محمد سعودي عربستان ته ورسېږي ملک فیصل ترور شوی و او پر ځای یې خالد بن عبدالعزیز واک ته رسیدلی و.

د صالح محمد د ژوند په اړه لا ډېر معلومات د مجیب منیب په راپور کې واورئ.