تر وروستیو پورې، کورنی تاوتریخوالی یوه شخصي مسله ګڼل کېده، نه ټولنیزه.
خو احصایې دا تاییدوي چې په آسټرالیا کې د تاوتريخوالي ډيري قرباني شوي کسان د هغوی کورنيو او نږدې دوستانو لخوا شوي.
د کورني او جنسي تاوتریخوالی قربانیان تر ټولو زیاتې ښځې دي. په هرو شپږو میرمنو کې یوه او په اتلسو نارینه وو کې یوه یې د شریک ملګري لخوا فزیکي یا جنسي تاوتریخوالی تجربه کوي.
ډاکټره ندا ابراهیم، د سویلي آسټرالیا په پوهنتون کې د ماشومانو د ساتنې مرکز کې د کورنۍ او کورني تاوتریخوالي متخصصه ده. اغلې وايي، "کورنۍ تاوتریخوالی یوې چترۍ اصطلاح ده چې د هر ډول تاوتریخوالی لپاره کارول کیږي چې په کور یا په کورنۍ ترتیب کې پیښیږي".
کورنۍ تاوتریخوالی کې کولی شي دا شیان شامل وي لکه ... د نږدې ملګري لخوا تاوتریخوالی، له ماشومانو ناوړه ګټه اخیستنه، له لویانو ناوړه ګټه اخیستنه، له خور او ورور څخه ناوړه ګټه اخیستنه، یا له والدینو ناوړه ګټه اخیستنه. نو، هر ډول تاوتریخوالی چې په داخلي ترتیب کې پیښیږي.Dr Nada Ibrahim, University of South Australia's Centre for Child Protection
کله چې موږ د کورني تاوتریخوالي په اړه خبرې کوو، دا یوازې فزیکي نه ده. تاوتریخوالی کولی شي ډیری نور ډولونه واخلي لکه رواني ناوړه ګټه اخیستنه، مالي ناوړه ګټه اخیستنه، ځورونې، یا جبري کنټرول، دا ټول پکې شامل دي.
تاسو ته پدې اړه بشپړ رپوټ لرو چې ټول اړخونه مو تاسو ته پوهانو له نظره بيان کړي، لا ډير نور معلومات په رپوټ کې واورئ.
