سوپرانیویشن، یا 'سوپر'، هغه پیسې دي چې ستاسو د کارګمارونکي لخوا ستاسو لپاره جلا کیږي د دې لپاره چې تاسو تقاعد وروسته پرې ښه ژوند وکړئ.
دا ستاسو د ګمارونکي لپاره اجباري ده چې ستاسو د عاید یوه برخه ستاسو سوپر حساب کې تادیه کړي، او ستاسو سوپر فنډ پیسې تر هغه وخته پورې حساب کې اچوي چې تاسو تقاعد نه کوئ. په آسټرالیا کې، داسې ډير داسې کسان دي چې له خپلو حسابونو بې خبره وي او يا يې هم کارونو بدلولو سره د تقاعد حسابونه ورک شوي وي.
اسټراليا کې يو شخص او يا کار کوونکی کولی شي خپل سوپر يا تقاعد پيسو ساتلو لپاره په خپل خوښه کمپنۍ غوره کړي، او بيا د هر کاري ادارې له جلا کمپنيو سره قراردادونه شوي وي. لدې سره تاسو ته د کار ځای دا واک درکوي چې يا د کمپنۍ لخوا قرارداد شوي تقاعد (سوپر) حساب کې پيسی واچول شي او يا تاسې په خپله د خپل خوښې کمپنۍ معلوماتا او حساب شريکوئ.
اسټراليا کې ډير کسان خپل تقاعد شوې پيسې له لاسه ورکوي او يا يې ترې حسابونه ورک شوي وي.
ټول هغه تقاعد پيسې چې يا ورک (مالک يې معلوم نه وي) او يا هم غير فعاله وي دا د اسټراليا ماليې دفتر ATO ته سپارل کيږي.
داچې تاسې څنګه خپل د تقاعد (سوپر) حساب خوندي کړئ، ورک شوی سوپر مو څنګه ترلاسه کړئ او که له اسټراليا څخه بهر ته سفر کوئ ستاسو تقاعد سره څه کيږي؟ دا ټول مو تاسو ته پدې رپوټ کې ځای کړي، نور معلومات په رپوټ کې واورئ.
———————————————————————————
زمونږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
