د جمهوریت له سقوط وروسته، د افغانستان د ښځینه کرېکټ ملي لوبډلې یو زیات شمېر لوبغاړې آسټرالیا ته راوستل شوي دي.
د جولای میاشتې په لومړیو کې د افغانستان د ښځینه کرېکټ ملي لوبډلې یو شمېر لوبغاړو د کرېکټ له نړیوالې شورا (ای سي سي) څخه غوښتنه وکړه ترڅو د افغانستان د ښځینه کرېکټ لوبډلې په جوړېدو کې مرسته وکړي.
د ښځینه لوبغاړو غوښتنه دا وه چې ښځینه لوبډله په آسټرالیا کې جوړه شي او د افغانستان په نوم لوبې ترسره کړي. مګر د کرېکټ نړیوالې شورا تر دې دمه په رسمي ډول دغه لیک ته ځواب ندی ویلي.
اس بي اس پښتو د افغانستان د ښځینه کرېکټ لوبډلې له پخوانۍ لوبغاړې حلیمې نوري سره د همدغې موضوع په اړه مرکه ترسره کړې. تاسو کولی شئ لا ډېر معلومات په ترسره شوې مرکې کې واورئ.
د اس بي اس پښتو خپرونه دلته زموږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
