په افغانستان کې د کرېکت برخې یو فعال د کرېکټ لوبې د بېلابېلو سیالیو په لار اچولو سره غواړي ځوانان له نشه يي توکو را وګرځوي او ورزش ته مخه وکړي.
د کرېکټ دغه فعال اتل حسین خېل نومیږي او د بغلان ولایت اوسیدونکي دی.
اتل حسین خېل وايي، له کلونه راپدیخوا په افغانستان کې د ورزش برخې ته په تېره د کرېکټ ودې لپاره کار کوي ترڅو ځوانان ورزش کولو ته وهڅوي.
هغه له اس بي اس پښتو سره په خبرو کې ویلي، تر اوسه يې د کرېکټ د بېلابېلو فارمټونو سیالۍ په لاره اچولي او له دې لارې يې هڅه کړې ترڅو ځوانانو ته دا پیغام ورسوي چې له نشه يې توکو لاس واخلي او ورزش ته مخه کړي.
د افغانستان کرېکټ بورډ د رسمي کرېکټ ترڅنګ په افغانستان کې د خصوصي سیالیو په لاره اچول د افغان کرېکټ د لا پیاوړتیا لپاره ګټور بولي.
د کرېکټ بورډ ویاند سید نسیم سادات له اس بي اس پښتو سره په خبرو کې وویل، دا ډول سیالۍ نه یواځې د ځوانانو لپاره ګټورې دي بلکې په وینا يې دا چاره د سالم مصروفیت ترڅنګ ځوانان له نشه توکو راګرځوي.
مهرباني وکړئ لا ډېر معلومات په رپوټ کې واورئ.
د اس بي اس پښتو خپرونه دلته زموږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
