د کرونا وېروس وبا پرمهال د خلکو اقتصاد او ژوند خرابه شوی دی او خلک دې ته اړ شوي ترڅو پورونه واخلي او قرضداره شي.
د کووېډ-۱۹ ناروغۍ د وبا پرمهال د آسټرالیا د اوسېدونکو پورونه زیات شوي او خلکو د ژوند د لګښتونو لپاره په شخصي پورونو تکیه کړې ده.
که چېرې ستاسو پور له کنټرول څخه وتلی وي، وړیا او محرمې مالي مشورې کولی شي ستاسو د وضعیت په ارزولو کې مرسته وکړي ترڅو د بیرته تادیې د مدیریت پلان چمتو کړئ.
د مالي چارو سلاکاره سارا براون شو هره ورځ له هغو کسانو سره مرسته کوي چې مالي ستونزې لري او نشي کولای خپل بلونه تحویل کړي.
هغه وايي چې د کووېډ-۱۹ وبا د دې لامل کرځېدلې ترڅو ډیری خلک ونشي کولای ترڅو خپل لګښتونه پوره کړي له همدې امله اوس یو زیات شمېر خلک پوروړي دي.
نوموړې وايي چې د ۱۲ میاشتې پخوا په پرتله د خلکو د کریډټ کارټ او په ځینو حالتونو کې د مورګیج پورونه زیات شوي او بانکونه له خلکو څخه په دوامداره توګه د پور لپاره سود اخلي له همدې امله د یو کال مخکې پرتله خلک ډیر پوروړي دي.
تاسو ته مو يادي موضوع په اړه رپوټ چمتو کړی چې دلته يې اوريدلی شئ،
