په آسټرالیا کې د وضعیت له ښه والي سره اوس یو زیات شمېر کارکوونکي د خپل کار ځایونو ته ستانه شوي او پاتې نور د ستنېدو په حال کې دي.
نوې څیړنې ښيي چې د هرو پنځو آسټرالیایانو له ډلې څخه دوه آسټرالیایان په کاري ځای کې د حفظ الصحې په اړه اندیښمن دي.
لانا بورګونو وېچ د آسټرالیا په سیډني ښار کې کار کوي. هغه وايي چې په کور کې د خوندیتوب احساس کوي ځکه ډیر خلک هلته شتون نلري یواځې هغه او خاوند یې په کور کې ژوند کوي.
هغه زیاتوي چې په کور کې تاسو اړتیا نلرئ ترڅو د یوې سطحې د مینځلو په اړه اندیښنه ولرئ.
تاسو ته مو له ډير ځنډ وروسته بيرته کاري چاپيريال کې کار پيلولو په اړه رپوټ چمتو کړی چې دلته يې اوريدلی شئ.
