د کرونا وېروس وبا د نړۍ د نورو هېوادونو په څېر د آسټرالیا پر اقتصاد هم ناوړه اغېز درولود.
د کوویډ-۱۹ و با په تعقیب د آسټرالیا حکومت غواړي، د پور ورکولو په قوانینو کې آسانتیا راولي ترڅو مصرف کوونکي او کاروبارونه وکولای شي په آسانۍ سره پور ترلاسه کړي.
حکومت تمه لري چې د پور ورکولو په قوانینو کې آسانتیا به د دې لامل وګرځي ترڅو د آسټرالیا اقتصاد یو ځل بیا وده وکړي.
د پور ورکولو په قوانینو کې د آسانتیاوو لپاره د آسټرالیا حکومت یو طرحه د دغه هېواد پارلمان ته وړاندې کړې چې له تصویب وروسته به عملي بڼه غوره کړي.
د نوي قانون پر اساس به د پور اخیستونکو غوښتنلیک په آسانۍ سره وه ارزول شي او د پور ورکونکو مسئولین به هم د غوښتنلیک ارزولو پرمهال کم شي.
همدا راز که چېرې د پور اخیستلو په قانون کې نوي بدلونونه تصویب شي نو خلک به وکولای شي د آسانه پور اخیستلو تر څنګ ، خپل مورګېج په اسانۍ سره له یوه بانک څخه بل بانک ته واړوي.
رولنډ بلېیر، د کرېډټ ورلډ په نوم د یوې مخکښې مالي ادارې بنسټ ایښودونکی دی چې د شخصي پورونو په برخه کې ډېره تجربه لري.
رولنډ بلیېر وايي چې د نوي قانون له عملي کېدو سره مهمه ده ترڅو پور اخیستونکي په مسئولیت سره پور واخلي.
هغه زیاتوي چې پور اخیستونکي باید د پور اخیستلو پرمهال محافظه کاره اوسي، تړونونه پرتله کړي او تر ټولو غوره تړون انتخاب کړي. همدا راز که چېرې د سود قیمت ثابت نه وي نو پکار ده چې د سود لوړوالی هم په پام کې ونیول شي.
دا او نور مهم معلومات په تيار شوي رپوټ کې واورئ.
