د آسټرالیا له یو ایالت څخه بل ایالت ته ګډه کول د زیاتېدو په حال کې دي. د آسټرالیا د احصایې ادارې آمار ښيي، هغه کسان چې په بهر کې پیدا شوي او بیا آسټرالیا ته راغلي، د هغو کسانو په پرتله زیاته کډه کوي چې په آسټرالیا کې پیدا شوي دي.
د AMES Australia ادارې د عامه اړیکو مدیر، لوري ناوول وايي، آسټرالیا یو فدرالي هېواد ده، د دغه هېواد ټول ایالتونه مختلف سیستمونه، خدمات او قوانین لري. نو ډیری هغه شیان چې آسټرالیا ته د لومړي ځل راتګ پرمهال کډوالو ته تنظیم شوي، ممکن یاد شیان له یوه ایالت څخه بل ایالت ته د سفر پرمهال یو ځل بیا برابر شي.
خپل آدرس بدل کړئ
د آسټرالیا له یوه ایالت څخه بل ایالت ته د کډې پرمهال باید له حکومتي ادارو، بانک، د خپل ایالت د ترانسپورت ادارې او د خدماتو له وړاندې کوونکو سره خپل نوی آدرس شریک کړئ.
ښاغلی ناوول وايي، هغه کسان چې ځینې ځانګړې ویزې لري، د نورو ادارو ترڅنګ باید خپل آدرس د کورنیو چارو له وزارت سره هم تغییر کړي، د آدرس بدلولو چارې په آسانۍ سره آنلاین ترسره کېدای شي.
هغه وايي: "خلکو ته پکار ده ترڅو د خپل نوي آدرس په اړه نه یواځې ملګرو ته بلکې بانک ته او که چېرې له سنټرلنک څخه پیسې ترلاسه کوي نو یادې ادارې ته خبر ورکړي."
مهرباني وکړئ، لا ډېر معلومات په رپوټ کې واورئ.
Flat lay of real estate concept ***These documents are our own generic designs. They do not infringe on any copyrighted designs. Source: iStockphoto / Rawpixel/Getty Images/iStockphoto
زموږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
