ਸਿਡਨੀ ਨਿਵਾਸੀ ਨੌਜਵਾਨ ਡਾ ਪੁਨੀਤ ਸੰਧੂ ਨੇ ਕਈ ਸਾਲ ਆਨਲਾਈਨ ਖੋਜ ਕਰਨ ਤੋਂ ਬਾਅਦ ਆਪਣੇ ਨਕੜ-ਦਾਦਾ ਜੀ ਨੂੰ ਸ਼ਰਧਾਂਜਲੀ ਦੇਣ ਲਈ ਕਮਰ ਕੱਸ ਲਈ ਜੋ ਕਿ ਵਿਸ਼ਵ ਯੁੱਧ-1 ਵਿੱਚ ਫਰਾਂਸ ਵਿਚਲੀ 'ਵਾਰ ਆਫ ਕੈੰਬਰਾਈ' ਦੌਰਾਨ ਸ਼ਹੀਦ ਹੋਏ ਸਨ।
ਉਨ੍ਹਾਂ ਨੇ ਇਕੱਲਿਆਂ ਹੀ ਸਿਡਨੀ ਤੋਂ ਪੈਰਿਸ ਤੱਕ ਦਾ ਸਫਰ ਹਵਾਈ ਜਹਾਜ਼ ਦੁਆਰਾ, ਅਤੇ ਫੇਰ ਕੋਈ ਡੇਢ ਕੁ ਘੰਟੇ ਦੀ ਰੇਲ ਦੀ ਸਵਾਰੀ 'ਪੈਰਿਸ ਗੇਅਰ ਡੂ-ਨੋਰਡ ਸਟੇਸ਼ਨ' ਤੱਕ ਕੀਤੀ, ਉਸ ਤੋਂ ਬਾਅਦ ਇੱਕ ਹੋਰ ਰੇਲ ਦੀ ਸਵਾਰੀ 'ਲਿਲੇ ਫਲਿੰਡਰਸ ਸਟੇਸ਼ਨ' ਤੱਕ ਕੀਤੀ, ਅਤੇ ਅਖੀਰ ਵਿੱਚ 1 ਘੰਟੇ ਲਈ ਟੈਕਸੀ ਲੈਕੇ 'ਨਿਊਵ ਚੈਪਲ ਮੇਮੋਰਿਅਲ' ਨਾਮੀ ਸਮਾਰਕ ਤੱਕ ਪਹੁੰਚ ਗਈ ਜੋ ਕਿ 'ਡਿਪਾਰਟਮੈਂਟ ਆਫ ਪੇਸ-ਡੀ-ਕੈਲੇਅ' ਵਿੱਚ ਸਥਾਪਤ ਹੈ।
ਭਾਰਤ ਅਤੇ ਨੇਪਾਲੀ ਮੂਲ ਦੇ 4742 ਸ਼ਹੀਦਾਂ ਦੀ ਯਾਦ ਵਿੱਚ ਪੈਰਿਸ ਵਿਖੇ ਸਥਾਪਤ 'ਨਿਊਵ ਚੈਪਲ ਮੈਮੋਰੀਅਲ'। Credit: Dr Puneet Sandhu
"ਇਹ ਸਮਾਰਕ ਫਰਾਂਸ ਦੇ ਇੱਕ ਖੇਤਰੀ ਇਲਾਕੇ ਵਿੱਚ ਅਜਿਹੀ ਥਾਂ ਤੇ ਬਣਿਆ ਹੋਇਆ ਹੈ ਜਿਥੇ ਕੋਈ ਵੀ ਪਬਲਿਕ ਟਰਾਂਸਪੋਰਟ ਨਹੀਂ ਜਾਂਦੀ", ਪੁਨੀਤ ਨੇ ਦੱਸਿਆ।
ਪੁਨੀਤ ਨੇ ਸਾਂਝਾ ਕੀਤਾ ਕਿ ਸਮਾਰਕ ਦੇ ਬਾਹਰਵਾਰ ਨਿਸ਼ਾਨ ਸਾਹਿਬ ਝੂਲਦਾ ਦੇਖ ਕੇ ਉਸ ਨੂੰ ਹੈਰਾਨੀ ਵੀ ਹੋਈ ੳਤੇ ਅਥਾਹ ਖੁਸ਼ੀ ਵੀ ਮਿਲੀ।
ਸਮਾਰਕ ਦੇ ਬਾਹਰਵਾਰ ਨਿਸ਼ਾਨ ਸਾਹਿਬ ਸਥਾਪਤ ਹੈ। Credit: Dr Puneet Sandhu
ਪਰ ਉਨ੍ਹਾਂ ਦੇ ਪਿਤਾ ਦੇ ਨਾਮ ਅਤੇ ਪਿੰਡ ਦਾ ਨਾਮ ਅੱਗੇ ਉੱਕਰਿਆ ਹੋਇਆ ਹੋਣ ਕਾਰਨ ਪੁਨੀਤ ਨੇ ਆਪਣੇ ਨਕੜ-ਦਾਦਾ ਜੀ ਦਾ ਨਾਮ ਅਸਾਨੀ ਨਾਲ ਲੱਭ ਲਿਆ।
ਸਮਾਰਕ ਅੰਦਰ ਸ਼ਹੀਦ ਹਜ਼ਾਰਾ ਸਿੰਘ ਦਾ ਨਾਮ ਪੂਰੇ ਵਿਸਥਾਰ ਨਾਲ Credit: Dr Puneet Sandhu
ਡਾ ਪੁਨੀਤ ਦੇ ਪਰਿਵਾਰ ਦੇ ਪਿਛੋਕੜ ਪੰਜਾਬ ਦੇ ਜ਼ਿਲਾ ਅੰਮ੍ਰਿਤਸਰ ਦੇ ਪਿੰਡ ਮੁੱਛਲ ਤੋਂ ਹੈ ਅਤੇ ਪਰਿਵਾਰ ਵਿੱਚ ਕਈ ਪੀੜ੍ਹੀਆਂ ਤੋਂ ਫੌਜ ਵਿੱਚ ਸੇਵਾ ਨਿਭਾਈ ਜਾਂਦੀ ਰਹੀ ਹੈ।
ਡਾ ਪੁਨੀਤ ਅਨੁਸਾਰ ਇਸ ਸਮਾਰਕ ਦੀ ਬਹੁਤ ਚੰਗੀ ਤਰਾਂ ਦੇਖਭਾਲ ਕੀਤੀ ਜਾ ਰਹੀ ਹੈ ਅਤੇ ਕਈ ਸਥਾਨਕ ਲੋਕਾਂ ਸਮੇਤ ਕੁਝ ਵਿਦੇਸ਼ਾਂ ਤੋਂ ਆਏ ਯਾਤਰੀਆਂ ਨੇ ਵੀ ਇਸ ਸਮੇਂ ਦੌਰਾਨ ਸਮਾਰਕ ਦਾ ਦੌਰਾ ਕੀਤਾ ਅਤੇ ਸ਼ਰਧਾਂਜਲੀਆਂ ਭੇਂਟ ਕੀਤੀਆਂ।
ਪੁਨੀਤ ਦੀ ਇਸ ਪਹਿਲ ਕਦਮੀ ਤੋਂ ਬਾਅਦ ਉਸ ਦੇ ਚਾਚਾ ਅਤੇ ਤਾਇਆ ਜੀ ਨੇ ਵੀ ਸਮਾਰਕ ਤੇ ਜਾ ਕੇ ਆਪਣੇ ਪੜਦਾਦਾ ਜੀ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਹੈ ਅਤੇ ਅਗਲੇ ਸਾਲ ਪੁਨੀਤ ਦੇ ਮਾਤਾ-ਪਿਤਾ ਅਤੇ ਪਰਿਵਾਰ ਦੇ ਕਈ ਹੋਰ ਮੈਂਬਰ ਇਕੱਠੇ ਹੋ ਕਿ ਅਜਿਹਾ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
ਹੋਰ ਵੇਰਵੇ ਲਈ ਆਡੀਓ ਬਟਨ ਕਲਿਕ ਕਰੋ
ਐਸ ਬੀ ਐਸ ਪੰਜਾਬੀ ਦੁਨੀਆ ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।
