Faamanatu le Kerisimasi Kerisiano i Sasa'e

O le Aso Kerisimasi a le Ekalesia Kerisiano i Sasa'e, le Orthodox Church e faia i le 12 aso e soso'o ma le Kerisimasi i atunuu o Europa i Sisifo, Amerika ma atunuu o le Pasefika.

Faamanatuina o le Kerisimasi a le Ekalesia Orthodox i Aikupito 2025. (Photo by Ahmed HASAN / AFP) (Photo by AHMED HASAN/AFP via Getty Images) Source: AFP / AHMED HASAN/AFP via Getty Images

O le ese'esega e mafua mai i le fa'aaogaina e le Ekalesia Orthodox o le Kalena Iulio (Julian Calendar) lea sa fa'aaogaina e le lalolagi ae le'i suia i lalo o le nofoa'iga a Pope Gregory i le Kalena o loo fa'aaogaina nei i Europa i Sisifo ma le tele o atunuu o le lalolagi.

E faamanatuina le Kerisimasi a le Ekalesia Kerisiano Orthodox i lenei tausaga o feagai le tele o atunu'u o le Ekalesia ma taua ma fevaevaea'iga o loo to'atele tagata lolotu o loo mafatia ma puapuagatia ai.

O le atunu'u aupito to'atele tagata tapua'i Orthodox Christian, o Rusia lea o loo to'atele ai tagata e mulimuli i le tala'iga a le Russian Orthodox Church, faapea ai ma Eleni i le Greek Orthodox Church.