Highlights
- තවමත් නිව් සවුත් වේල්ස් ප්‍රාන්තයේ ප්‍රජාව අතරින් දිනකට විශාල ප්‍රමාණයක ආසාදිතයින් හමුවෙයි.
- ක්වීන්ස්ලන්ත ප්‍රාන්තයේ කොරෝනා ආසාදිතයින්ගෙන් බහුතරයක් ළමයින් බව සඳහන්.
- වික්ටෝරියා ප්‍රාන්තයෙන් අලුතින් කොරෝනා ආසාදිතයින් දෙදෙනෙක්.
- දකුණු ඔස්ට්‍රේලියා ප්‍රාන්තය ඇතැම් කොරෝනා නීති ලිහිල් කරයි.
නිව් සවුත් වේල්ස් ප්‍රාන්තය
ගතවූ පැය 24 තුළ සිදුකළ කොරෝනා පරීක්ෂණ හරහා නිව් සවුත් වේල්ස් ප්‍රාන්තයේ ප්‍රජාව අතරින් අලුතින් කොරෝනා ආසාදිතයින් 207 ක් හමුවී තිබේ.
ඔවුන්ගෙන් අවම වශයෙන් 50 ක් පමණ වයිරසය ආසාදනය වී තිබියදී ප්‍රජාව තුළ සිටි බවට විශ්වාස කෙරේ.
ඊට අමතරව වයස අවුරුදු 90 පසුවූ පිරිමි පුද්ගලයෙකු AstraZeneca එන්නතේ පළමු මාත්‍රාව පමණක් ලබා තිබියදී Liverpool රෝහලේදී කොරෝනා වයිරසය නිසා මියගොස් තිබේ.
මේ අතර නගර සභා කලාප 8 ක ආහාර පාර්සල් බෙදාහැරීම, කොරෝනා නීති නිසි පරිදි ජනතාව විසින් ක්‍රියාත්මක කරනවාද යන්න පරීක්ෂා කිරීම වැනි කටයුතු සඳහා ඔස්ට්‍රේලියානු ආරක්ෂක බලකායේ 300 ක් පමණ භටයින් නිව් සවුත් වේල්ස් පොලීසියට අද සිට සහය ලබාදීම ආරම්භ කර ඇත.
එම හමුදාව භටයින් සන්නද්ධ නොවී එම ක්‍රියාවල නිරතවන බව සඳහන්.
මේ අතර ඉදිරියට පැමිණ කොවිඩ් එන්නත ලබාගන්නා ලෙස නිව් සවුත් වේල්ස් ප්‍රාන්ත අගමැතිනී Gladys Berejiklian සිය ප්‍රාන්ත වැසියන්ගෙන් ඉල්ලා සිටියි.
SBS සිංහල සේවය සතියේ දින 4 ක් ඔබ හමුවට
සඳුදා, අඟහරුවාදා, බ්‍රහස්පතින්දා, සිකුරාදා
SBS Radio APP එකෙන් (Free download)
ක්වීන්ස්ලන්ත ප්‍රාන්තය
ගතවූ පැය 24 තුළ ක්වීන්ස්ලන්ත ප්‍රාන්තයෙන් අලුතින් කොරෝනා ආසාදිතයින් 13 ක් හමුවී තිබෙන අතර ඉන් බහුතරයක් වයස අවුරුදු 10 ට අඩු ළමුන් බව සඳහන්.
එම සියලුම ආසාදිතයින් දැනට හඳුනාගෙන ඇති කොරෝනා පොකුරට සම්බන්ධ අතර දැනට ප්‍රාන්තයේ සක්‍රිය ආසාදිතයින් සංඛ්‍යාව 31 ක් බවට පත්වී තිබේ.
lockdown නීති හේතුවෙන් අපහසුතාවට පත් සුළු හා මධ්‍යම පරිමාන ව්‍යාපාර ඇතුළු ක්වීන්ස්ලන්ත ව්‍යාපාර වලට උපකාර පිණිස ක්වීන්ස්ලන්ත ප්‍රාන්ත රජය ඩොලර් මිලියන 260 ක් වෙන් කළ බව ක්වීන්ස්ලන්ත ප්‍රාන්ත රජයේ භාණ්ඩාගාර අමාත්‍ය Cameron Dick පැවසීය.
මේ අතර ක්වීන්ස්ලන්ත ප්‍රාන්තයේ ගිනිකොන දිග කලාපයට දැනට පනවා ඇති lockdown කාලය අගෝස්තු 8 වනදා දක්වා දීර්ග කර ඇත.
එය Brisbane, Gold Coast, Ipswich, Lockyer Valley, Logan, Moreton Bay, Noosa, Redland, Scenic Rim, Somerset සහ Sunshine Coast ප්‍රදේශ වලට බලාත්මක වේ.
පසුගිය පැය 24දී ඕස්ට්‍රේලියාවෙන් වාර්තා වී ඇති තොරතුරු:
- ගතවූ පැය 24 තුළ වික්ටෝරියානු ප්‍රාන්තයෙන් අලුතින් කොරෝනා ආසාදිතයින් දෙදෙනෙකු හමුවී ඇති අතර එම ආසාදිතයින් දෙදෙනාම දැනට හඳුනාගෙන ඇති කොරෝනා පොකුරට සම්බන්ධ බවත් ඔවුන්ට වයිරසය ආසාදනය වන විට ඔවුන් නිරෝධායනය වෙමින් සිටි බවත් වාර්තා වේ.
- මුව ආවරණ පැළඳීම තවමත් දකුණු ඔස්ට්‍රේලියා ප්‍රාන්තයේ අනිවාර්ය වන නමුත් කොන්දේසි මත නරඹන්නන් සංඛ්‍යාව තීරණය කරමින් ක්‍රීඩා තරග නැවත පැවැත්වීමට ඉඩ ලබා දී තිබේ.
නිරෝධායනය, සංචාරක, පරීක්ෂණ සායන සහ වසංගත ආපදා ගෙවීම්
ප්‍රාන්ත සහ ටෙරිටරි රජයන් මගින් නිරෝධායන සහ කොරෝනා පරීක්ෂණ අවශ්‍යතා කළමනාකරණය කිරීම සහ බලාත්මක කිරීම සිදු කරයි.
- නිව් සවුත් වේල්ස් ගමනාගමන හා ප්‍රවාහන සහ නිරෝධායන කටයුතු
- වික්ටෝරියා අවසර පත්‍ර , විදෙස් සංචාරකයින් සහ නිරෝධායන කටයුතු
- ACT ගමනාගමන සහ නිරෝධායන කටයුතු
- NT ගමනාගමන සහ නිරෝධායන කටයුතු
- ක්වීන්ස්ලන්තය ගමනාගමන සහ නිරෝධායන කටයුතු
- දකුණු ඔස්ට්‍රේලියාව ගමනාගමන සහ නිරෝධායන කටයුතු
- ටස්මේනියා ගමනාගමන සහ නිරෝධායන කටයුතු
- බටහිර ඔස්ට්‍රේලියාව ගමනාගමන සහ නිරෝධායන කටයුතු
ඔබට ඔස්ට්‍රේලියාවෙන් පිටව යාමට අවශ්‍ය නම්, ඔබ පහත සඳහන් ඛාණ්ඩ වලින් එකකට අයත් විය යුතු අතර පිටව යාම සඳහා අවසර ගැනීමට online මාර්ගයෙන් අයදුම් කළ යුතුය.
ඔබේ ප්‍රාන්තය හෝ ටෙරිටරිය සඳහා අදාළ මාර්ගෝපදේශ : NSW, Victoria, Queensland, Western Australia, South Australia, Northern Territory, ACT, Tasmania.
පරිවර්තනය කර ඇති එන්එස්ඩබ්ලිව් බහු සංස්කෘතික සෞඛ්‍ය සන්නිවේදන සේවාවට පිවිසෙන්න:
එක් එක් ප්‍රාන්ත සහ ටෙරිටරි වල කොරෝනා පරීක්ෂණ සායන සොයා ගැනීම සඳහා පහත වෙබ් යොමු වෙත පිවිසෙන්න
- නිව් සවුත් වේල්ස්
- වික්ටෝරියා
- ක්වීන්ස්ලන්තය
- දකුණු ඔස්ට්‍රේලියාව
- ACT
- බටහිර ඔස්ට්‍රේලියාව
- ටස්මේනියා
- නොදර්න් ටෙරිටරිය
එක් එක් ප්‍රාන්ත සහ ටෙරිටරි වල කොරෝනා වසංගත ගෙවීම් තොරතුරු සඳහා පහත වෙබ් යොමු වෙත පිවිසෙන්න
