Key Points
- • மேற்கு சிட்னியில் எந்த இடத்தில் SBS தனது கிளையை துவங்கும் என்பது முடிவு செய்யப்படவில்லை என்றாலும், மேற்கு சிட்னியியில் கிளை துவங்குவது முடிவாகியுள்ளது.
- • தற்போதுள்ள SBS தலைமையகத்தை உடனடி வட சிட்னியிலிருந்து மாற்றுவதில்லை என்று கருதப்படும் பின்னணியில், மேற்கு சிட்னியில் கிளையை துவக்குவது முடிவாகியுள்ளது.
- • மேற்கு சிட்னியில் அடுத்த ஆண்டு (2025) எந்த இடத்தில் கிளையை அமைப்பது எனபது குறித்து பல தரப்புடன் கலந்து பேச SBS திட்டமிட்டுள்ளது.
ஆஸ்திரேலியாவின் பன்முக கலாச்சார ஊடக நிறுவனம் சிட்னியின் மேற்கில் இன்னும் தீர்மானிக்கப்படாத இடத்தில் ஒரு கிளையை நிறுவ உள்ளது என்று பெடரல் அரசு இன்று (ஞாயிற்றுக்கிழமை) அறிவித்தது.
இந்த மையத்தில் நேரடி பார்வையாளர்கள் கலந்துகொள்ளும் வகையில் ஒரு தொலைக்காட்சி கூடம், வானொலி மற்றும் போட்காஸ்டிங் கூடங்கள், மற்றும் உற்பத்தி வெளியீட்டை ஆதரிக்க ஒரு பணியிடம் ஆகியவை இடம்பெறும்.
வட சிட்னியிலிருந்து SBS தலைமையகத்தை மாற்றுவதா இல்லையா என்று ஒரு ஆரம்ப சாத்தியக்கூறு ஆய்வு நடத்தப்பட பின்னணியில், இடமாற்றத்திற்கான குறிப்பிடத்தக்க செலவு காரணமாக அந்த திட்டத்தை தொடர்வதில்லை என்று ஆலோசிக்கப்படும் நிலையில், புதிய கிளை துவங்கும் முடிவு வந்துள்ளது.
இந்த கிளை அல்லது ஒலிப்பதிவு மற்றும் ஒளிப்பதிவு கூடம் அமையும் இடம் மற்றும் இறுதித் திட்டம் முடிவு செய்யப்பட்டதும், இந்த மையம் மூலம் ஆண்டுக்கு 1,440 மணிநேரத்திற்கும் அதிகமான ஆடியோ மற்றும் போட்காஸ்ட் தயாராவதோடு ஆண்டுக்கு 360 மணிநேர புதிய முதல் இயக்க ஆஸ்திரேலிய திரை தயாரிப்புகளும் உருவாக்கப்படும்.
"அடுத்த ஆண்டு எஸ்பிஎஸ் 50 வயதை எட்டுவதால், எங்கள் கதை சொல்லும் திறன் மற்றும் உள்கட்டமைப்பை விரிவுபடுத்துதல் மிகச் சிறந்த கொண்டாட்டமாக இருக்கும்" என்று எஸ்பிஎஸ் நிறுவனத் தலைவர் ஜார்ஜ் சாவிட்ஸ் AM கூறினார்.
SBS Chair George Savvides AM. Source: Supplied
மேற்கு சிட்னி என்பது வெளிநாடுகளில் பிறந்து இங்கு வாழும் குடியேற்றவாசிகளில் 40 சதவீதத்திற்கும் அதிகமானவர்களைக் கொண்டுள்ளது மற்றும் ஆஸ்திரேலியாவில் பூர்வீக குடி மக்களின் மிகப்பெரிய, அதிக அளவிலான மக்கள் இந்த பகுதியில் வாழ்கின்றனர்.
SBS நிறுவனத்தை வளர்ப்பதற்கான பெடரல் அரசின் உறுதிப்பாட்டை இந்த புதிய கிளை துவங்குவதான முடிவு வெளிப்படுத்துகிறது என்று தகவல் தொடர்பு அமைச்சர் மைக்கேல் ரோலண்ட் கூறினார்.
"ஆஸ்திரேலியாவின் அர்ப்பணிப்புள்ள பன்முக கலாச்சார மற்றும் பூர்வீக குடிமக்களின் ஒலிபரப்பாளர் பணியாற்றும் SBS மிகவும் நம்பகமான செய்தி ஊடகம் என்றும், அது சமூக ஒற்றுமையை மேம்படுத்துவதில் முக்கிய பங்கு வகிக்கிறது என்றும் அமைச்சர் குறிப்பிட்டார்.
"மேற்கு சிட்னி உட்பட பன்மொழி, பன்முக கலாச்சார மற்றும் பூர்வீக குடிமக்களின் சமூகங்களுடன் SBS இணைகிறது என்றும் மேலும் ஆஸ்திரேலிய பார்வையாளர்களுக்கு மாறுபட்ட குரல்களைக் கொண்டுவருவதில் முக்கியபங்காற்றுகிறது என்றும் அவர் குறிப்பிட்டார்.
இந்த உற்சாகமான திட்டத்தை முன்மொழிவதில் SBS போர்ட் (வாரியம்) மற்றும் நிர்வாகத்தின் முன்முயற்சிக்கு தான் நன்றி கூறுகிறேன் என்றும் அதை நிறைவேற்ற அவர்களுடன் இணைந்து பணியாற்றுவதை எதிர்நோக்குகிறேன் என்றும் அமைச்சர் ரோலண்ட் கூறினார்.
SBS யின் இந்த முயற்சி இந்த பிராந்தியத்தில் திறமையான உற்பத்தி வேலைகளுக்கான வாய்ப்புகளை உருவாக்கும் அதே நேரத்தில் அதன் பொருளாதாரத்தைத் தூண்டும் என்றும் உள்ளூர் சமூகங்களுக்கு சமூக-பொருளாதார நன்மைகளை வழங்கும் என்று அரசு கூறுகிறது.
SBS துவங்கும் புதிய மையம் அல்லது கிளையை அடுத்த ஆண்டு எப்பது துவங்குவது, மேற்கு சிட்னியில் எந்த இடத்தில் துவங்குவது என்பது குறித்து மேற்கு சிட்னியில் உள்ள உள்ளூர் கவுன்சில்கள், கல்வி நிறுவனங்கள் மற்றும் வணிக மற்றும் பொருளாதார மேம்பாட்டு அமைப்புகளுடன் ஆலோசனை நடத்தும்.
——————————————————————————————
SBS தமிழின் ஏனைய நிகழ்ச்சிகளைக் கேட்க எமது podcast பக்கத்திற்குச் செல்லுங்கள். SBS தமிழ் ஒலிபரப்பை திங்கள், புதன், வியாழன் மற்றும் வெள்ளி ஆகிய நாட்களில் மதியம் 12 மணிக்கு நேரலையாக SBS South Asian எனும் டிஜிட்டல் அலையிலும், திங்கள், புதன், வெள்ளி மற்றும் ஞாயிறு இரவு 8 மணிக்கு SBS Radio 2 வழியாகவும் கேட்கலாம். உங்களது பிரதேசத்துக்குரிய அலைவரிசை என்னவென்று தெரிந்துகொள்ள எமது tunein பக்கத்திற்குச் செல்லுங்கள். டிஜிட்டல் வானொலி யில் செவிமடுக்க ‘SBS Radio’ எனத் தேடுங்கள். SBS South Asian YouTube channel ஊடாக எமது podcasts மற்றும் videos-ஐப் பார்வையிடுங்கள்.
To hear more podcasts from SBS Tamil, subscribe to our podcast collection. Listen to SBS Tamil at 12 noon on SBS South Asian channel on Mondays, Wednesdays, Thursdays and Fridays & 8pm on Mondays, Wednesdays, Fridays and Sundays on SBS Radio 2. Find your area’s radio frequency by visiting our tune in page. For listening on DAB+ digital radio, search for ‘SBS Radio’. On SBS South Asian YouTube channel, follow SBS Tamil podcasts and videos. You can also enjoy programs in 10 South Asian languages, plus SBS Spice content in English. It is also available on SBS On Demand.
