དེ་རིང་གཟའ་པ་སངས་ཉིན་ཨོ་སི་ཊོ་ལི་ཡའི་ནང་ཏོག་དབྱིབས་ནད་ཡམས་ཀྱིས་རྐྱེན་པས་ཉུང་མཐར་མི་གྲངས་ ༢༩ འདས་གྲོངས་སུ་ཕྱིན་ཡོད་པའི་ནང་ཁུན་སི་ལན་ཌིའི་ནང་མི་གྲངས་ ༡༡ དང་ཝི་ཊོ་རི་ཡའི་ནང་མི་གྲངས་ ༩ ནིའུ་སའོ་ཐི་ཝལ་མངའ་སྡེའི་ནང་མི་གྲངས་ ༧ བཅས་འདས་གྲོངས་སུ་ཕྱིན་ཡོད་འདུག
ཨོ་སི་ཊོ་ལི་ཡའི་ནང་ཏོག་དབྱིབས་ནད་ཡམས་འགོས་པའི་ནད་པ་གསར་པའི་གྲངས་འབོར་དང་། སྨན་ཁང་ནང་ལྷག་ཡོད་པའི་ནད་པ། དེ་བཞིན་འདས་གྲོངས་སུ་ག་ཚོད་ཕྱིན་ཡོད་མེད་བཅས་ཞིབ་ཕྲ་གནས་ཚུལ་གཤམ་གྱི་དྲ་ཐག་དེ་ནས་གཟིགས་ here
དེ་རིང་ནིའུ་སའོ་ཐི་ཝལ་མངའ་སྡེའི་ནང་ཏོག་དབྱིབས་ན་ཚ་སླར་ཡང་འགོས་པའི་ནད་པ་གྲངས་ ༡༡༣༠༩ བྱུང་ཡོད་པའི་གནས་ཚུལ་ཐོན་འདུག་པ་དང་། གནད་དོན་དེ་ནི་མི་མང་པོ་ཞིག་ཏོག་དབྱིབས་ན་ཚ་ཐེངས་དང་པོ་ན་རྗེས་ཉིན་གྲངས་ ༩༡ རྗེས་ལ་སླར་ཡང་ན་ཚ་ཐེངས་གཉིས་པ་དེ་འགོས་ཀྱི་ཡོད་པའི་གནས་ཚུལ་ཐོན་བཞིན་ཡོད་འདུག
ཨོ་སི་ཊོ་ལི་ཡའི་ནུབ་ཕྱོགས་མངའ་སྡེའི་ནང་ལོ་ན་ ༡༦ དང་དེའི་སྒང་གི་མི་འབོར་བརྒྱ་ཆ་ ༨༠ ལ་ཏོག་དབྱིབས་འགོག་ཁབ་གསུམ་རེར་བརྒྱབ་ཚར་ཡོད་འདུག འོན་ཀྱང་དེ་རིང་རེས་གཟའ་པ་སངས་ཉིན་མངའ་སྡེ་དེའི་ནང་ཏོག་དབྱིབས་ནད་པ་གསར་པ་ ༩༣༢༨ བྱུང་ཡོད་འདུག
འཛམ་གླིང་འཕྲོད་བསྟེན་སྒྲིག་འཛུགས་ཀྱིས་ཕྱི་ལོ་ ༢༠༢༠ ཟླ་ ༡ ཚེས་ ༡ ནས་ཕྱི་ལོ་ ༢༠༢༡ ཟླ་ ༡༢ ཚེས་ ༣༡ བར་ལོ་གཉིས་རིང་ཏོག་དབྱིབས་ནད་ཡམས་ཀྱིས་རྐྱེན་པས་ཁྱོན་མི་གྲངས་ས་ཡ་ ༡༤་༩ འདས་གྲོངས་སུ་ཕྱིན་ཡོད་སྐོར་སྙན་ཐོ་བཏོན་འདུག
ཨ་རིས་ཇོན་སོན་གྱི་ཏོག་དབྱིབས་འགོག་ཁབ་ Johnson & Johnson's COVID-19 vaccine དེ་ལོ་ན་དར་མ་ཉུང་ཤས་ཤིག་ལ་ཁྲག་རྡོག་ཆགས་པའི་གནས་ཚུལ་ཉེན་ཁ་ལ་བརྟེན་ནས་བཀག་འགོག་བྱས་ཡོད་འདུག ཨོ་སི་ཊོ་ལི་ཡས་འགོག་ཁབ་དེ་སྔ་ལོ་ཕྱི་ཟླ་ ༦ པའི་ནང་འཕྲལ་སེལ་རྒྱག་ཆོག་པའི་ཆོག་མཆན་སྤྲད་ཡོད་ཀྱང་འགོག་ཁབ་དེ་ཏོག་དབྱིབས་འགོག་ཁབ་ཀྱི་ལས་རིམ་གྱི་ཆ་ཤས་ཆགས་ཀྱི་མེད་པ་རེད་འདུག
ཨོ་སི་ཊོ་ལི་ཡའི་ནང་ད་ལྟའི་ཆར་ཏོག་དབྱིབས་འགོག་ཁབ་ཨ་སི་ཋར་ཛེ་ནི་ཀཱ་ AstraZeneca དང་ཧྥི་ཛར་ Pfizerམོ་ཌེ་ནར་ Moderna དེ་བཞིན་ནོ་ཝ་ཝ་སི་བཅས་ཁོ་ན་ད་ལྟ་མུ་མཐུད་ཆོག་མཆན་སྤྲད་ཡོད་པ་ཆགས་ཡོད།
གཤམ་གྱི་དྲ་ཐག་དེ་ནས་ཁྱེད་རང་གི་སྐད་ཡིག་ནང་ཏོག་དབྱིབས་ན་ཚ་སྐོར་གཟིགས། COVID-19 vaccines in your language
གཤམ་གྱི་མངའ་སྡེ་སོ་སོའི་ནང་གི་ཏོག་དབྱིབས་ན་ཚ་བརྟག་དཔྱད་བྱེད་ས་ཁག་ལ་གཟིགས།
ཏོག་དབྱིབས་སྟབས་བདེ་བརྟག་ཆས་ཐོག་ནས་ན་ཚ་འགོས་ཡོད་པ་ཤེས་རྟོགས་བྱུང་ཚེ་སོ་སོའི་མངའ་སྡེའི་མིང་གཞུང་ལྟར་ཐོ་འགོད་བྱོས།
ཁྱེད་རང་གིས་ཨོ་སི་ཊོ་ལི་ཡའི་ནང་བྱེད་ཆོག་པ་དང་མི་ཆོག་པ་ག་རེ་ཡོད་མེད་གཤམ་གྱི་དྲ་ཐོག་འདི་ནས་གཟིགས། Find out what you can and can't do
རྒྱལ་ཁབ་དང་ལུང་པ་གཞན་ལ་མ་འགྲོ་སྔོན་གཤམ་གྱི་དྲ་ཐག་དེ་ནས་འགྲུལ་བཞུད་སྐོར་གྱི་གནས་ཚུལ་དང་ལམ་སྟོན་ལ་གཟིགས། check the latest travel requirements and advisories
གལ་སྲིད་ཁྱེད་རང་ལ་དཔལ་འབྱོར་རོགས་རམ་དགོས་ཚེ་བདམ་ག་ཁག་ཅིག་གཤམ་གྱི་དྲ་ཐག་དེ་ནས་གཟིགས། check what your options are
ཁྱེད་རང་གི་སྐད་ཡིག་ནང་ནས་ཏོག་དབྱིབས་ནད་ཡམས་སྐོར་གྱི་གནས་ཚུལ་ལ་གཟིགས། COVID-19 jargon in your language
ཏོག་དབྱིབས་ནད་ཡམས་སྐོར་གྱི་གནས་ཚུལ་ཆ་ཚང་ཁྱེད་རང་གི་སྐད་ཡིག་ནང་ལ་དྲ་ཐག་འདི་ནས་གཟིགས། SBS Coronavirus portal.
