ልዕሊ 600000 ሓደስቲ መጻእቲ ናብ ኣውስትራልያ ትሕቲ’ቲ ብቕዓቶም’ዮም ዝሰርሑ ዘለዉ ክብል ሓደ ብትካል Settlement Services International ዝወጸ ሓድሽ ጸብጻብ ኣረጋጊጹ።
“44% ካብ ሓደስቲ መጻእቲ ኣብ ኣውስትራልያ ትሕቲ’ቲ ብቕዓቶም’ዮም ዝሰርሑ ዘለዉ፣ እዚ ኸኣ ሓደ ሲሶ ናይ ኩሎም ኣብ መላእ ሃገርና ዝርከቡ ዓይነታት ስራሕ ሕጽረት እናሃለዎም ብሓቂ ብዓቢይ መጠን ዝተኸስረ ዕድል’ዩ።“ ትብል ሊሊ ጂያንግ፣ ኣካያዲት ጎስጓስ ንሞያዊ ብቕዓታት ዘበራብር Activiate Australia Skills ኣብ ትካል ሰትልመንት ሰርቪስስ ኢንተርናሽናል።
“ካብ’ቶም ዛንታታትን ኣሃዛትን ከምንርእዮ እዞም ሰባት ኣብ ብዙሓት ናይ ጽሬት ስራሓት፣ ምቕባል ኣጋይሽ፣ ቀወምቲ ዘይኮኑ መኪና ምዝዋር ምብጽጻሕ ሰባት፣ ታክሲ ምዝዋርን ከም’ኣቶም ዓይነታት ካልኦት ስራሓትን ይወድቁ። ኣብ ብዙሓት ትሑት ብቕዓት ዘድልዮም ጉልበታዊ ስራሓት።“
ብመሰረት ሓደ ኣብ ቀረባ ግዜ ብኤስኤስኣይ ዝወጸ ጸብጻብ፣ መጻእቲ ሰራሕተኛታት ኣብ’ቲ ምስ ሞያዊ ክእለቶም ዝመጣጠን ስራሕ እንተዝሰርሑን ምስ’ቶም ኣብ ኣውስትራልያ ዝተወልዱ ሓደ ዓይነት እንተዝኽፈሎምን ኣብ ውሽጢ ዓሰርተ ዓመታት ናይ 70 ቢልዮን ዶላር ቁጠባዊ ንጥፈታት ምስ ተፈጥረ ኔሩ።
እዚ ትሕዝቶ SBS Examines ሕጽረት ሞያዊ ክእለት ዘለዎም ሰባት እናሃለወ ሓደስቲ መጻእቲ ንምንታይ ኣብ ዝመረጽዎ ዓውዲ ስራሕ ንምርካብ ይጽገሙ’ለዉ፧ ንአውስትራልያ ኸ ክንዲ ምንታይ የኽስራ'ሎ፧ ዝብሉ ሕቶታት የቕርብ።
