اسمارٹ ٹریولر کی ویب سائٹ پر وزارتِ خارجہ نے اعلان کیا ہے کہ اس قرضے کا مقصد اُن افراد کی مدد کرنا ہے جو باہر کے ممالک میں مالی مشکلات کا شکار ہیں اور کسی بھی طریقے سے پیسے حاصل نہیں کر پارہے ہیں۔
ادارے کے مطابق اس قرضہ پر سود نہیں ہوگا اور یہ صرف روز مرہ کی زندگی کے خرچے اور آسٹریلیا واپسی کی پرواز کے لئے ہی استعمال کیا جاسکتا ہے۔
اس قرضے کو حاصل کرنے کے لئے مندرجہ ذیل شرائط ہیں۔
۔ آسٹریلوی شہری ہونا
۔ کم سے کم اٹھارہ سال کا ہونا
۔ مالی امداد حاصل کرنے کی تمام کوششیں ناکام ہوچکی ہوں، اس کا ثبوت درکار ہوگا
اسمارٹ ٹریولر کے مطابق وہ افراد جو آسٹریلیا واپس آچکے ہیں اس قرضے کے اہل نہیں۔
کتنا قرضہ ملے گا؟
۔ ایک شخص کے لئے دو ہزار ڈالر
۔ ایک ہی خاندان کے دو افراد کے لئے تین ہزار ڈالر
۔ ایک ہی خاندان کے تین افراد کے لئے چار ہزار ڈالر
۔ ایک ہی خاندان کے چار افراد کے لئے پانچ ہزار ڈالر
۔ چار سے زائد افراد پر مشتمل خاندان کے لئے خصوصی طور پر احکامات جاری کئے جائیں گے
۔ اگر والد یا والدہ میں سے ایک شخص بھی آسٹریلوی شہری ہے تو پورے خاندان کو مالی امداد مل سکتی ہے
درخواست جمع کرانے کا طریقہ؟
قرضے کی درخواست جمع کرانے سے پہلے آپ کو بینک، انشورنس کمپنی، اپنے دوست احباب، مقامی مالی امداد کے ادارے یا جہاں آپ ملازمت کرتے ہیں، رابطہ کرنا ہوگا اور ان کے ثبوت درخواست میں شامل کرنے ہوں گے۔
درخواست جمع کرانے کے بہتر گھنٹے بعد ایمیل کے ذریعے جواب موصول ہوگا جبکہ قرضہ ملنے میں مزید بہتر یا زائد گھنٹے لگ سکتے ہیں۔
قرضے سے متعلق مزید معلومات کے لئے اس ایمیل اور فون نمبر کا استعمال کریں۔
+61 2 6261 3305
