ویکسین کی دوسری خوراک کے چھ ماہ بعد بوسٹر خوراک دستیاب ہو گی لیکن یہ منظوری سے مشروط ہے ۔
وکٹوریہ نے انڈیجنس آسٹریلنز میں ویکسین کی شرح بڑھانے کی کوششوں کی تجدید کی ہے ۔
نیو ساوتھ ویلز میں آج سے طلباء اسکولوں میں واپس آگئے ۔
وکٹوریہ
ریاست میں آج کووڈ – 19 کے 1،461 نئے مقامی کیس سامنے آئے ہیں اور سات افراد ہلاک ہو گئے ہیں جن میں ایک 20 سالہ خاتون بھی شامل ہیں ۔
وزیر صحت مارٹن فولے نے انڈینجس کمیونٹیز میں ویکسین کے حوالے سے شعور بڑھانے کے لئے اقدامات کی تجدید کا اعلان کیا ہے ۔ ایسی کمیونٹیز میں جہاں ویکسین کی شرح کم ہے پاپ اپ کلینکس کی سیریز شروع کی جائے گی ۔
ریاست میں ایب اوریجنل آسٹریلینز کی 12 سال یا اس سے زائد عمر کی تقریبا 80 فیصد آبادی ویکسین کی پہلی خوراک حاصل کر چکی ہے جبکہ پوری ریاست میں اسی عمر کے افراد میں ویکسین کا تناسب 90 فیصد ہے ۔
جمعہ 29 اکتوبر سے ریاست میں عائد کووڈ پابندیوں میں مزید نرمی کی جارہی ہے جس میں بیرونی مقامات پر ماسک پہننے کی شرط کا خاتمہ اور ریجنل علاقوں میں سفر کی آزادی شامل ہے ۔
نیو ساوتھ ویلز
نیو ساوتھ ویلز میں آج کووڈ -19 کے 294 نئے کیسز سامنے آئے ہیں جبکہ چار افراد ہلاک ہو گئے ہیں ۔
اسکول جانے والے تمام طلباء آج سے اپنی جماعتوں میں لوٹ رہے ہیں تاہم تمام اساتذہ اپنی نوکریوں پر واپس نہیں آ سکیں گے کیونکہ اساتذہ کے لئے ویکیسن کی مکمل خوراک حاصل کرنا لازمی ہے ۔
پرئیمئر ڈومنیک پیروٹیٹ کا کہنا ہے کہ ہمارے تقریبا 95 فیصد اساتذہ مکمل ویکسین حاصل کر چکے ہیں جس کے باعث ہم اپنے طلباء کو محفوظ انداز میں واپس اسکولوں میں لانے کے اہل ہو پائے ہیں ۔ یہ ایک غیر معمولی کوشش ہے ۔
گریٹر سڈنی کے سرکاری اور نجی اسپتالوں میں اگست سے منسوخ غیر فوری انتخابی سرجریزبھی دوبارہ شروع ہو گئی ہیں ۔
کوئینز لینڈ
کوئینز لینڈ میں آج کرونا وائرس کا کوئی نیا مقامی کیس سامنے نہیں آیا ہے
آسٹریلیا میں گذشتہ24 گھنٹے
اے سی ٹی میں کرونا وائرس کے نو نئے کیس سامنے آئے ہیں ۔
ناردن ٹریٹری کل سے گھر میں14 روزہ قرنطینہ کا پائلٹ پرگرام شروع کر رہی ہے ۔
کووڈ-19 ٹاسک فورس کے کمانڈر ڈیفینس ،لیفٹینیںٹ جنرل جان فرےون نے اعلا ن کیا ہے کہ آے ٹی اے جی آئی سے منظوری پر ویکسین کی دوسری خوراک کے چھ ماہ بعد بوسٹر خوراک دستیاب ہو گی ۔
قرنطینہ، سفر، ٹیسٹنگ کلینک اور پینڈیمک ڈزاسٹر امداد
قرنطینہ اور ٹیسٹ کی ضروریات ریاستی اور ٹیریٹریز کی حکومتوں کی جانب سے پوری اور لاگو کی جاتی ہیں:
اگر آپ بین لاقوامی سفر کرنا چاہتے ہیں تو شاید آپ کو اس کے لیے اثتثنی کے لیے درخواست دینا پڑے گی۔ مزید معلومات اورآسٹریلیا چھوڑنے کی مزید شرائط کے بارے میں جاننے کے لیے یہاں کلک کریں۔ بین الاقوامی پروازوں کے لیے عارضی انتظامات کیے جاتے ہیں اور سرکار کی جانب سے روزانہ کی بنیاد پر ان پر نظر ثانی کی جاتی ہے اور سمارٹ ٹریولز کی ویب سائٹ پر اپڈیٹ کیا جاتا ہے۔
آپ کی ریاست کے لیے معلومات: NSW, Victoria, Queensland, Western Australia, South Australia, Northern Territory, ACT, Tasmania.
نیو ساوتھ ویلز ملٹی کلچرل ہیلتھ کمیونیکیشن سروس کے ترجمے کے لیے وزٹ کیجیے:
ہر ریاست اور ٹیریٹری میں ٹیسٹنگ کلینک:
