「深信自己偶像應該自己撐…香港有好多唔同嘅人，以前其實喺香港都好風光，最後為咗有更加多金錢，咁就去咗另外嘅地方發展…佢哋好似遺忘咗香港。」Shirley在【我不是名人】訪問，提到她打兩份工，為偶像在澳洲成立應援會，出錢出力追星。
好大部份人，我深信，點解佢哋肯願意投放資源畀Mirror，都係希望佢哋唔好返大陸發展。
Shirley從香港來澳洲8年，目前住在阿德雷德。去年開始追星後，除了日間原本返的全職工作，放工後再做兼職，工餘時間除了食飯睡覺外，幾乎全部用於與澳洲應援會成員聯絡溝通，一齊應援他們在香港的偶像。
Shirley表示，小學時期自己曾經是香港女子組合Twins歌迷，而開始留意香港男團Mirror，是去年看到其中成員陳卓賢參演的電視劇。
Shirley支持偶像購買相同帽及衫，模仿偶像打扮。 Source: Shirley
自我完善應援偶像
至於展開積極追星「入坑」的生活，Shirley回憶說，是因為偶像陳卓賢在香港的樂壇頒獎禮入圍，但最後未能得獎。
當時她一方面感到自己的偶像這麼有才華，但未能獲獎，非常可惜，另一方面也自我反思，認為是由於自己未有盡力應援偶像。
「因為我自己都無份去投票嘅時候，咁點解要埋怨呢個賽果，好似覺得唔係你心目中嘅結果呢！」
政治低潮撐偶像以充權
另外Shirley認為，促成她追星，也與香港在2019年反修例運動後，一直處於政治「低潮期」有關。
「你每日打開社交媒體見到嘅新聞，全部都係唔開心嘅嘢，咁你已經見到嗰空間越來越細，你好似無辦法做到啲乜嘢嘅時候。我又咁啱睇到香港電視劇『男排女將』，之後就覺得呢個明星幾好喎。」
之前Shirley已經有很長時間沒有留意香港樂壇，她說，因為開始追星，繼而認識男團Mirror，她知道有朋友也是因為Mirror，重新留意香港廣東歌。
「香港曾經風光，張國榮嗰個年代，好多人喺亞洲地區一定有聽過…咁我哋希望藉住呢一個團體組合，也都重新令香港畀世界各地去認識。」
Shirley將目前追星投放資源，與投放資源向香港人提供政治支援，相提並論。
「兩樣嘢都需要人力去支持，人力與財力嘅支持，在政治上嘅話，大家需要係出去表達自己嘅意見，咁亦都會去課金幫到一啲嘅手足；如果喺追星上，同樣係如果你希望你嘅偶像，多啲人識嘅話，都需要去好多網站去投票，呢啲亦花費時間。」
當Shirley講到海外歌迷會發展，就顯得自豪。「其實我哋而家嘅歌迷會，除咗澳洲之外，澳門、美國、加拿大、英國、新加坡 、馬來西亞、台灣都有，其實遍布全世界。」
她說，好想偶像知道不僅在香港有粉絲，世界各地都有他的支持者。「我哋希望令到自己偶像亦知道，澳洲亦有一班粉絲支持。」
Shirley 家中的偶像牆貼上應援海報揮春。 Source: Shirley
打兩份工為有更多錢應援偶像
不過，對於現在因為追星而多做一份工，Shirley也承認屬於瘋狂。
「我自身覺得有小小瘋狂就係，我為咗令自己可以有多啲錢追星，就決定返多份兼職。我本身有份正職。」
記者問到追星是否要花很多錢，Shirley回應，她個人在香港歌迷會出應援物品集資時，會出錢購買產品，令香港歌迷會可以籌辦應援活動，提升偶像人氣。
「例如喺戶外嘅大銀幕嗰度，播一段短嘅MV（音樂影片）片段，去吸引其他唔識（偶像）嘅粉絲去聽，或者試過喺巴士嘅椅背後落廣告，即係貼廣告，呢啲都需要錢。」
Shirley買了的應援品，包括高20厘米的偶像布公仔，公仔可以換衫，也可以帶出街影相「打卡」。同時有偶像訪問的雜誌，Shirley都會託在香港朋友幫手買。
讓粉絲可以帶出街打卡的應援公仔，公仔也可以換衫。 Source: Shirley
之前Mirror 在香港開演唱會，以及偶像的生意活動，澳洲歌迷會都有訂花籃以及氣球祝賀，Shirley也有出錢。
Shirley也加錢訂製特別車牌，上面有偶像名字IanCY （CY是「卓賢」英文縮寫），加個「1」字，寓意偶像是「世一」，世界第一。
積極幫手成立澳洲應援會
除了出錢外，Shirley也出力幫手在澳洲為偶像成立歌迷會。
去年開始追星，Shirley在香港偶像的歌迷會社交網站，主動聯絡到幾個也住在澳洲的歌迷，商量後就在社交網站Telegram成立名為「Ian陳生FC澳洲版」的歌迷會，不久也決定在Instagram開帳戶，令更多未積極追星的「街外人」加入追星討論，現在追踪人數超過900人，而Telegram就有70幾人。
Shirley說，最初與幾個也住在澳洲的粉絲成立涉及網站歌迷應援會，是方便講下偶像，「大家係不同年齡階層，正常大家唔會有任何接觸，因為追星，令到唔同年紀唔同背景嘅人聚埋一齊」。
「有位成員陳媽媽，雖然強調自己年紀比較大，我哋覺得佢嘅年紀同我哋冇乜分別，都是很熱衷支持我哋嘅偶像。我哋個個都變成小粉絲。」
在應援會，歌迷也互相幫助。Shirley認為，因為大家有共同目標，擁護同一個偶像，話題差不多，容易溝通建立友誼。
社群互助精神
「如果話有一啲新嘅字眼，terms（詞語）嘅話，我哋後生嘅，容易啲消化，容易啲接觸得到，不過如果一啲新入坑或者很少接觸Social media（社交網站）嘅朋友，我哋都會解釋番點用，對他們來講，好似每日都學到新資訊。」
歌迷除了在社交平台交流外，Shirley表示他們也會合作應援偶像。例如偶像出新歌，大家就Loop 歌不停去聽，在Youtube不斷看新歌的MV（音樂影片）片。
最近偶像出新歌，Shirley就與其他歌迷花大量時間 Loop 歌，新歌在Youtube音樂影片，兩星期到截稿時間3月5日中午，點擊率高達630萬次。
「務求就係推到上頭位，咁多啲人就會有興趣，見到，咦，呢個名幾特別，然後click入去聽，從而就吸引多啲唔同『街外客』去聽佢嘅歌。」
目前歌迷應援會活動已從網上發展到實體，除了成員相約一齊聚會，在農曆新年派揮春快閃活動、就偶像出新歌找餐廳幫手、這個周末於雪梨派應援海報等，目標都是增加偶像的知名度，得到更多人擁護支持。
在今集【我不是名人】楊蕙而訪問Shirley，Shirley也同意在海外為偶像成立歌迷會，有助海外華人了解香港文化，並提高中文水平。她講及如果有機會見到偶像時，已經顯得好激動，詳情請聽足本訪問。
歌迷農曆新年在雪梨做派揮春快閃活動。 Source: Shirley
歌迷帶偶像公仔打卡。 Source: Shirley
歌迷為Mirror及Error製成認人卡。由於男團在香港再次掀起追星，有形容「而加香港男士變前夫，女士都係鏡粉」。
追星語
Shirley並提供一些追星粉絲常用語：
入坑：喜歡偶像到好像跳入坑洞而泥足深陷
世一：指視自己偶像為世界第一
私追：又可簡稱為CJ，指非公開活動場合下跟蹤偶像的行為
街客：指一些喜歡聽偶像的歌，但唔會特別追星嘅人
公仔：由自己官方歌迷會為其偶像設計的小布偶，例如：小卓賢、小勁、虎B等
私生子：指非歌迷會設計的小布偶，是一些有心的歌迷為自己偶像而設計
粉絲： 從英文Fans 音譯，即支持者，亦可簡稱為粉或飯，例子海外粉(飯)即海外的支持者
鏡粉：男團Mirror的支持者，Mirror中文是鏡，所以鏡+ 粉絲 = 鏡粉
錯粉: Mirror 兄弟團 Error，Error中文是錯誤
CLS : 為了在社交媒體上增加大眾的觸及率，支持者會鼓勵其他同伴在有偶像的帖文下留言(Comment)、讚好(Like)、分享(Share)
備註：「焫著」是Mirror歌曲《IGNITED》的中文意思，「焫」讀音 naat3，點燃、焚燒的意。
READ MORE
【網上約會】港大圖書館長遇另一半 赴昆州齊做養蜂人
SBS 中文堅守《SBS 行為守則》及《SBS 編採指引》，以繁體中文及簡體中文提供公平、公正、準確的新聞報道及時事資訊。作為一個公共服務廣播機構，SBS 的主要作用是提供多語種媒體服務，為全體澳洲人提供資訊、教育性及娛樂性內容，並與此同時反映澳洲多元文化社會的特色。SBS 廣東話及 SBS 普通話電台節目均已為大眾服務超過 40 年。按此進一步了解 SBS 中文。
