ਧਨੀਏ ਦੇ ਤਾਜ਼ੇ ਪੱਤੇ ਅਤੇ ਸੁੱਕੇ ਬੀਜ ਅਕਸਰ ਇਸਦੀ ਵਧੀਆ ਖੁਸ਼ਬੂ ਅਤੇ ਸਿਹਤ ਲਈ ਫਾਇਦਿਆਂ ਦੇ ਚਲਦਿਆਂ ਭਾਰਤੀ ਪਕਵਾਨਾਂ ਵਿੱਚ ਵਰਤੇ ਜਾਂਦੇ ਹਨ।
ਮੈਲਬੌਰਨ ਦੇ ਉੱਤਰੀ ਸਬਰਬ ਮਿਕਲਮ ਦੇ ਰਹਿਣ ਵਾਲ਼ੇ ਦਲਬੀਰ ਮਾਨ ਨੇ ਆਪਣੇ ਵਿਹੜੇ ਵਿੱਚ ਉਗਾਏ ਦੇਸੀ ਧਨੀਏ ਦੇ ਇੱਕ ਬੂਟੇ ਨੂੰ ਅੰਤਰਰਾਸ਼ਟਰੀ ਪਹਿਚਾਣ ਦਿੱਤੀ ਹੈ।
ਉਨ੍ਹਾਂ ਹਾਲ ਹੀ ਵਿਚ ਇਸਨੂੰ ਦੁਨੀਆਂ ਦੇ ਸਭ ਤੋਂ ਉਚੇ ਧਨੀਏ ਦੇ ਬੂਟੇ ਵਜੋਂ ਗਿੰਨੀਜ਼ ਵਰਲਡ ਰਿਕਾਰਡ ਵਿੱਚ ਸ਼ੁਮਾਰ ਕਰਵਾਇਆ ਹੈ।
ਐਸ ਬੀ ਐਸ ਪੰਜਾਬੀ ਨਾਲ ਇੱਕ ਇੰਟਰਵਿਊ ਦੌਰਾਨ ਉਨ੍ਹਾਂ ਕਿਹਾ ਕਿ ਮੈਲਬੌਰਨ ਦੇ ਸਖ਼ਤ ਗਰਮੀ-ਸਰਦੀ, ਮੀਂਹ ਅਤੇ ਹਵਾਵਾਂ ਵਾਲ਼ੇ ਮੌਸਮ ਦੇ ਬਾਵਜੂਦ ਇਸ ਬੂਟੇ ਦਾ ਇੰਨੀ ਉਚਾਈ ਦਾ ਹੋਣਾ ਇੱਕ ਜ਼ਿਕਰਯੋਗ ਤੇ ਵੱਖਰੀ ਪਹਿਚਾਣ ਰੱਖਦਾ ਹੈ।
Dalbir Maan measuring coriander plant at his Melbourne home. Source: Supplied by Mr Maan
ਸ਼੍ਰੀ ਮਾਨ ਜੋ ਬਾਗਬਾਨੀ ਦਾ ਸ਼ੌਕ ਰੱਖਦੇ ਹਨ, ਪਿਛਲੇ ਸਾਲ ਆਪਣੇ 7 ਫੁੱਟ 4.5 ਇੰਚ (2.5 ਮੀਟਰ) ਦੇ ਧਨੀਏ ਦੇ ਬੂਟੇ ਨੂੰ ਗਿੰਨੀਜ਼ ਵਰਲਡ ਰਿਕਾਰਡ ਤੋਂ ਇਲਾਵਾ ਏਸ਼ੀਆ ਬੁੱਕ ਆਫ਼ ਰਿਕਾਰਡਸ ਅਤੇ ਲਿਮਕਾ ਬੁੱਕ ਆਫ਼ ਰਿਕਾਰਡ ਵਿੱਚ ਦਰਜ ਕਰਾਉਣ ਲਈ ਵੀ ਯਤਨਸ਼ੀਲ ਸਨ।
ਪਿਛਲਾ ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ 7 ਫੁੱਟ 1 ਇੰਚ ਉੱਚੇ ਧਨੀਏ ਦੇ ਬੂਟੇ ਦੇ ਨਾਂ ਹੈ ਜੋ ਭਾਰਤ ਵਿੱਚ ਉੱਤਰਾਖੰਡ ਦੇ ਗੋਪਾਲ ਉਪਰੇਤੀ ਦੁਆਰਾ 21 ਅਪ੍ਰੈਲ 2020 ਨੂੰ ਦਰਜ ਕਰਾਇਆ ਗਿਆ ਸੀ।
ਦਲਬੀਰ ਮਾਨ ਨਾਲ਼ ਇਸ ਬਾਰੇ ਪੂਰੀ ਇੰਟਰਵਿਊ ਸੁਣਨ ਲਈ ਆਡੀਓ ਬਟਨ ਉੱਤੇ ਕ੍ਲਿਕ ਕਰੋ
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ
